網上看到火山爆發的甜品, 烈焰熔岩爆爆爆, 絕對開心又過癮. 有好玩意當然要一家三口齊齊挑戰吧!! Lab Made Cafe 銅鑼灣分店在登龍街, 這條小街變化愈來愈大, 摩天商業大廈也塞數幢進來, 壓迫感好大, 還是從前的登龍街開心一點. 阿太問:「尖沙嘴間Lab Made 只係得企係度食!!」我上網看到, 銅鑼灣這分店有得坐, 可能就是有「Cafe」字樣的分別. 購票時我問店員除了火山蛋糕外, 還有沒有其他特別蛋糕 ? 她答:「今晚賣剩香蕉吉士蛋糕要唔要試吓?」結果, 我們今晚就吃兩樣甜品. 香蕉吉士蛋糕, 最特別就是蛋糕面上的那微縮「吉百利」. 唯一可以讚就是蛋糕充滿香蕉味, 但驚喜度簡直接近「零」. 而我家揀飲擇食的小朋友更最討厭吃蕉呢!! 結果我與阿太分甜同味. 之後便是我最期待的火山蛋糕, 首先由店員輕輕舖上少許白糖粉, 之後他倒了少許乾冰入火山口, 繼而盛了一小樽番紅花加蜜糖漿汁給我們. 店員細心提示我們:「記得貼近火山口注下蜜糖漿汁呀!!」 我問:「乾冰都可以食嘅咩?」店員:「只要等所以泡泡消失就可以進食」 SY睜大眼睛道:「好緊張!! 好緊張」阿太注入整樽糖漿後, 火山即時冒煙, 泡泡開始逐漸變大…. 「有泡啦..流出嚟啦!!」阿囝很期待的大叫…一回後:「E…仲未爆炸嘅」… 再等一回:「最勁就係頭先啱啱媽媽倒汁入去…都唔爆炸嘅…食得未呀..爸爸」 因為剛才店員介紹要等所有泡泡消失才可進食, 但我發現泡泡根本不會完全消失喎. 在囝不停催促下, 我們開始進食, 但糖漿與乾冰混了一團, 甜度就是有少少冰感, 我還是怕乾冰不潔淨, 所以盡量也弄開黃色的岩漿. SY第一時間便說:「爸爸你又話有雪糕嘅?」原來我誤會這個$88元的火山內裡有份子雪糕喎… 火山雪糕賣相, 賣點一流. 可惜味道略為甜了一點, 如果沒有乾冰岩漿應該好食得多. 最奇怪網上圖片看到有3-4粒士多啤梨伴碟, 不過今晚我的火山則沒有任何點綴, 難怪晚上9點還賣剩7個之多吧!! 大仁生活facebook http://dayanlife.blogspot.hk/2015/01/lab-made-cafe.html
