估不到現時流行在工廠大廈舉辦手作坊市集, 今晚我就走到觀塘成業街工廈與年輕檔主們交流交流, 開心睇手作. 今次小小的斗室, 共有35檔地道創作攤位, 現場有少少暗, 但卻非常熱鬧, 檔主又好客, 大家傾傾講講, 十足十與朋友聚會一樣. 阿Chow與拍檔, 半年前去泰國玩, 發現當地用「鈦」造成的傳統飲水杯花紋非常吸引, 於是四周尋覓, 一口氣買了數十隻. 有趣的是拍檔爸爸正是水電師傅, 於是兩人決定人手將「鈦杯」改裝成掛燈, 結果大受歡迎. 靦腆的阿Chow笑笑口:「上次市集好開心, 我哋一共賣廿幾盞燈呀!」因為可以擺放不同位置, 而且電線又刻意顏色代, 所以我也覺得眼前一亮. 阿Chow很積極, 全職當上手作人只有幾個月, 但就已經擺攤超過7次, 「因為我想介紹畀多啲人識我哋嘅創作」 本月尾阿Chow以「鈦杯杯」參加由三聯書局舉辦的創作比賽就會揭曉, 我直覺認為阿Chow一定會贏, 從此我們就可以在三聯看到阿Chow的作品啦!! 期待.. https://www.facebook.com/mumsnothome Peter的滴膠匙扣好有趣, 非常地道, 底面都有抵死語句, 他說:「本地人就鍾意福麵, 平安包, 又或者扮殭屍符...」 但原來Peter去過澳門, 台灣擺檔, 當地人又有不同喜好:「上次旅遊局有邀請過我到台灣擺攤位, 當地人就鍾意我哋香港特色嘅匙扣, 好似個舊式信箱款就最受歡迎.」 我開初以為 Peter用Parsley Workshop做店名, 因為這是女朋友的名字... 他答:「Parsley (芫荽)用嚟點綴食物, 就好似我造出嚟嘅匙扣, 用嚟點綴生活一樣. 而且P.W又係我個名嘅縮寫呢!!」原來如此有意思. https://www.facebook.com/parsleyworkshop Tracy主打木塊吊飾, 很多小貓貓, 我問她是否很愛貓呢? 結果她答:「我最愛狗」 原來這隻4歲的異國短毛貓(小吉), 是朋友一年前轉讓給Tracy的, 本來她愛以朋友的狗仔作創作來源, 一年前開始, 變成主力畫家中的小吉. 我以為Tracy是修讀繪畫, 因為她筆下的小吉, 栩栩如生, 誰知她說全部自學, 一堂繪畫課也沒有上過. 嘩! 點解自學也可以畫到如照片一樣呢? 而我畫火柴也可以畫到似香蕉呢? https://www.facebook.com/katlandhk Mina及橘子是全場最有氣氛的一檔, 因為她們穿上由日本買回來, 充滿童話色彩的套裝. 好開心的橘子說:「夢幻是我們的特色」…我最初以為她們是兩姐妹, 因為實在太似樣, 原來兩位年青檔主, 因為修讀設計而認識, 再成為好朋友. 經常笑的Mina是全職手作設計師, 橘子亦於兩個月後脫苦海自主門戶, 我對她們說:「年青真好, 我都想辭職呀, 可惜我家中有養要小朋友...」 誰知橘子竟然主動勉勵我:「你可以出書吖, 做全職Blogger好呀, 打工又要睇老闆面色」我絕對同意, 我都想好似妳們一樣開開心心, 一年去日本三次入貨呢!! Mina及橘子十分好客, 準備了自制心意卡, 及自家朱古力給客人作小禮物, 而且Mina也有開班教授圖章雕刻, 下次開班, 我也想去學呀!! Secret Kingdom雖然剛剛成立, 但這檔口是我接觸過最最最正能量, 最開心的一家. 祝兩位花園主人繼續開心, 繼續功成... https://www.facebook.com/SecretKingdomHK Wonder Market日期:2015年1月3,4日(星期六日)時間:13:00-22:00 地點:九龍觀塘成業街成運工業大廈2樓22室 大仁生活facebook http://dayanlife.blogspot.hk/2015/01/party-wonder-market.html
