沙田新城市廣場有個夜迷宮, 宣傳好吸引, 究竟真實會否對板呢? 其實, 去年我們影過同樣位置的的Starlight Romance, 當時又飄雪, 又夜空情迷燈飾, 所以, 今年十分期待. 未進入迷宮前, 先來百多棵長春藤串串LED熱熱身, 嘩!! 其實入夜後, 漆黑一片, 忽然燈火串串, 靚得入場個個也不停影影影. 長春藤串串LED有兩種顏色, 黃色與紫色, 而且數量又夠多, 真的不入迷宮已經興奮到不得了. 好靚呀!! 星期日晚上8時半左右, 排隊進入迷宮也只需輪候約15分鐘, 因為每次可以容許約10多人進場, 所以一點也不用呆等. 大門口的工作人員最辛苦, 因為人人也像我們一樣, 要求他協助來一幅大合照, 當然, 浪費美景當前, 一定不可以錯過留念機會啦!! 阿囝一聽到有迷宮玩非常雀躍, 他說:「一齊行呀!! 不過我帶路, 唔好走失呀…好大家跟我嚟…」哈~哈~ 帶路的小朋友又真的有板有眼. 迷宮內有三個QR Code, 用手機玩, 之後再玩一個網上遊戲, 就有機會參加2015年1月25 日終極迷宮大賽的參加資格。 聞說迷宮會有三個難度, 因為400塊透明幕牆是可以移動的, 我相信今晚的難度一定是入門級, 事關真的很容易, 毫無難度. 不過, 迷宮加上燈飾的配搭夠新穎, 而且場面浪費, 綽頭更加十分, 如果可以像去年一樣每15分鐘加飄雪就更加正!! 離開迷宮後, 旁邊有一個小高台, 走上去就可以俯瞰大半個迷宮, 唯一缺點就是中央有棵樹, 少少煞風景吧. 迷宮之後, 還有大量聖誕花?? 聖誕飛機?? 還是袋鼠星河呢? 總知就是很適合你上載Facebook的靚靚夜景等著你來合照吧!!, 之於那些如此抽象的燈飾是甚麼呢? 我想大概不用深究吧!! 大仁生活facebook http://dayanlife.blogspot.hk/2014/12/blog-post_7.html
