無錯!! 精力充沛的阿囝又去瘋狂We!嘩瘋狂跳. 被阿囝形容為「好玩過迪士尼樂園」的We!嘩，今次於將軍澳東港城舉行 -(日期: 8月8 - 10日 及 8月15 - 17日) , 每次我也陪同阿囝齊齊玩, 不過, 今日要返工, 所以派了家中女皇作攝影師. 連續兩星期都We!的阿囝, 一點也不厭倦, 但他奇怪為何今次地點不同, 所以問:「點解唔係坐Van仔去奧海城嘅?」因為上次主題係恐龍, 今次是另一個主題, 所以改了去將軍澳. 今次重點中的重點, 就是We!嘩騎馬仔, 兩年前於Mikiki玩過一次, 就無緣再遇上, 今次阿囝一玩就玩了三次. 首先阿囝好認真的揀了一隻傳統真馬來玩, 之後第二次又揀回同一隻, 第三次就算站在旁邊等候, 一樣要等待相同一隻, 問他為何不駕大馬或者熊貓呢? 他答:「E隻最靚, 我一定要駕返佢!」又會如此專一呢? 今次一樣有抓抓樂老虎機, 及射槍, 不過阿太說阿囝太愛玩射飛鏢, 不停射飛鏢, 但好像不大容易玩, 射槍他的命中率高一點喎. 今次有一個全新的彈床叫「夢幻城堡」, 阿囝看到猶豫了一回, 就即時衝入城堡, 事後阿太問:「點解頭先你要諗一諗呢?」他答:「我諗吓今日要玩幾多次E個堡壘麻」吓??? 不要小窺小朋友的記憶力, 阿太話今次的開合口大鯨魚不是前次九龍城的We!一樣嗎? 阿囝立即答:「唔係呀! 係Mikiki呀!媽媽, 九龍城嗰次係毛仔魚, 不過兩個口都會開同關就真.」 阿囝今次又是跳到癲!! 他好像跳不累, 跳不悶的, 阿太說:「你個囝跳到完場都仲要跳, 點解可以咁好精力?」 當阿囝在玩造型流沙時阿太問:「鯨魚好玩定上次變色龍好玩?」阿囝說:「梗係上次跳嗰隻變色龍好玩好多, 雖然佢個口唔識開開關關, 但高啲好瀡好多」點解你好似彈床專家的口吻一樣呢? 8月尾We嘩!又改到於數碼港繼續充氣嘉年華, Summer Fiesta! 夏日大作戰!, 今次只有4日, 8月22至25日. 開始及完場時間都提早一小時, 阿囝今次繼唔繼續We唔We嘩呀!! 主題 : We嘩!充氣嘉年華@數碼港商場 一Summer Fiesta! 夏日大作戰! 日期 : 8 月22 至25 日 (星期五至星期一, 共4日) 地址 : 數碼港商場 –全天侯廣場及數碼廣場 (香港數碼港數碼港道100號) 時間 : 上午11時至晚上7時 票價： HK$10 – HK$80 查詢 : info@wewaland.com｜8203 3323 Facebook : https://www.facebook.com/hayakutang http://dayanlife.blogspot.hk/2014/08/wewe.html
