6年前, 阿蘇推介去九龍城街市大樓3樓的樂園飲紅豆冰, 結果某一個星期日"摸門釘", 原來, 星期日樂園是休息的. 結果, 一等就等了六年, 我才可以在非星期日的時間去品嚐樂園. 今天是星期六, 竟然我們會在九龍城, 中午時段, "時間啱啱好", 當然要去樂園飲紅豆冰...其實, 老婆每星期日也要帶囝去上課, 等候時間, 她一定會到街市嘆茶看日劇, 下圖是她拍下星期日休息的樂園門面. 星期日, 是大窗的樂園廣告除下的日子, 街市人流也變得冷清, 跟平日所有"綠色枱"(樂園專用枱)也爆滿的情況簡直"蚊比和牛比". 今天我們叫了, 紅豆冰, 炸豬扒麵, 炸雞翼米及蕃茄抄蛋三文治. 其實, 紅豆冰可以配咖啡 或 奶茶, 不過, 我們兩款也不好, 所以只叫了最普通的紅豆冰, 紅豆夠多, 不過忘記了叫阿姐走冰, 所以覺得有少少淡口. 蕃茄抄蛋三文治 ~ 蛋抄得啱啱好, 不老不生, 不過蕃茄如果可以再熱一點, 我會更加喜歡... 樂園的麵炸豬扒, 炸雞翼好食.不過, 我會覺得雞翼好食一點, 因為炸豬扒還是敵不過灣仔新景園.
