上星期六, 我們一家途經九龍灣MegaBOX對面公園, 看到有不同小攤檔, 當中有賣手作藝術品, 有些是賣蔬果, 有一檔堆滿粟米, 是上次我們吃過的即食有機粟米, 於是我們就走過去看看. 25元3支有機即食粟米, 清甜, 和我們上次到農場吃的一模一樣, 農夫叔叔黃生見我們吃得如此高興就問：「有冇興趣助養粟米呀 ? 」. 粟米也可以助養 ? 原來, 即是預訂粟米, 因為粟米量要求大, 所以, 我們預先告訴農夫叔叔助養粟米的數量, 當粟米收成時就可以親身到錦田農場採摘粟米, 或者,由農夫叔叔免費送菜上門. 農夫叔叔還說：「我哋最新的助養 計劃係助養叉角厲蝽!」(甚麼東西 ?) 「叉角厲蝽係益蟲, 唔食農作物專食菜蟲, 你哋可以助養2個月, 等啲叉角厲蝽大咗, 繁殖出30隻嘅時候, 交返比我哋, 我哋會比返4斤有機菜助養人士」 很有趣的活動, 我們決定下兩周會先參加農場的周末導賞團, 先熱身, 再來助養粟米, 不過, 至於叉角厲蝽...始終養4條蟲在家, 心有點不安, 還是讓我導賞團當日看看紅色的叉角厲蝽的真身再決定吧. 現在想起也開心, 真的未出發先興奮. 快快到周末導賞團吧! 半日周末導賞團: (早上9:30時至12:00時或下午3:30時至6:00時, 每位收費$60 (免費包有機農場特飲)) https://www.facebook.com/aulawfarm http://qqlee2000.mysinablog.com/index.php?op=ViewArticle&articleId=4356796 Facebook : https://www.facebook.com/hayakutang http://dayanlife.blogspot.hk/2014/05/blog-post.html
