個半鐘到去到一間 Farmers Corner ， 有中餐廳～ 似係旅行團購物點/休息站咁～ 好新 呢到除咗好多特產買， 最厲害係有幾隻草泥馬響度 呢張相係響廁格影㗎， 真係你去緊廁所嗰度！廁所係可以睇到草泥馬！真係好正囉～ 冇時間去草泥馬大農場來呢度都唔錯～ 我昨天先訂今日草泥馬TOUR 下午兩點鐘開始～每人要成 NZD25 響基督城過去路途遙遠最終都遲左成15分鐘， 其他人已經入晒去啦～ 不過唔緊要啦～ 換好鞋之後我哋就可以出去搵返其他人 唔好期望有人同你講中文，都係得英文～ 不過主角係啲草泥馬我覺得係冇所謂 真係好多草泥馬㗎， 其實有一間出名啲響基督城附近一小時車程～ 但係實在太貴又要專登揸去後尾見呢間順路又平啲咁先去下⋯因為其實可能係得我最開心～哈哈 農場職員會俾啲嘢食你餵佢，但係當然你要夠膽俾佢食啦，佢地會好似奈良鹿跟住你～ 呢隻似係最細隻 佢真係來自秘魯草泥馬～ Llama 農場好大㗎佢都有分開啲草泥馬， 會去完一區又去另一區 另一隻Llama 又到為餵食時間點擊圖片放大 有好多其實見你有嘢食都唔會行過嚟～ 事關佢都有草食 呢位小朋友勁搞笑～ 秘魯呢隻真係好英偉 呢到啲草泥馬幾嘆 要抖涼 呢隻最犀利有三隻色 差唔多又到尾聲啦 臨走～ 職員每人俾啲草我哋！最後餵比佢哋食 最後仲見到綿羊～ 真㗎！唔係公仔嘅～ 換返鞋～ 洗好手！成個行程大概1小時到～ 去到新西蘭記住搵草泥馬啦！
