這幾天接二連三地睇到狗狗被人殘忍對待，作為揾錢工具，心底感到極度鬱悶。完全唔明白做這件事情的人，抱著什麼心態，有著什麼背後原因，晚上安靜下來時，腦海裏有沒有出現狗狗可憐眼光，絕望哭聲，而又可以好好咁安然睡一覺呢。無奈！如果你想生活得有意義，如果你想感受到很多愛和被需要的感覺，如果你想訓練自己耐性和堅持的態度，我真心提議不如考慮養隻狗狗。試諗下，其實以上這些，都係每一個人想追求並需要的東西，不是嗎？世上當然沒有容易達到成功的事情，但我同時亦深信無嘢做唔到的，只係時間問題。我愛狗，我支持領養，每個人都有條件付出，儘管多與少，你都能夠感受到付出之後的快樂，這個係十分奇妙的！比個機會自己，嘗試去接近同理解一下，點解愛動物的人會義不容辭地去幫助佢哋，這個人類永遠的朋友呢。我真心希望正面地用生命去影響另一個生命。
