好多媽媽都問過我關於Blw既心得，今日等我係到分享下啦1️⃣幾時開始blw？好似係8個月，一開始係tw 但後尾發現媃媃唔鐘意人哋餵，就試下轉Blw，個陣係慢慢加ff，不過就無停一段時間先轉，因為個陣就算係食粥媃媃都會係咁咬咬咬😂2️⃣點揀餐具碟/碗最著重係癡得實唔實，我買過we might be tiny / dot to dot / Marcus & Marcus / Bbox /bluemama / B&H / Elipse 好似係咁多講左碟先，用邊隻係視乎食咩食幾多，容量黎講一定係dot to dot取勝，連佢隻耳都可以用埋，同埋都癡得幾實。we might be tiny 個陣係比個樣吸引嘅，不過都癡得實，略嫌佢兩隻耳容量有啲細，同埋會頂到張枱條邊😂stokke用家請留意👀bluemama係第一名，因為癡得好實，真係好實，用開stokke都知，我哋買碟要好小心，有啲真係係癡得好實，但size唔岩幾實都係假既，bluemama size好fit，仲要有4格咁多，點拒絕？😌😌碗黎講 得elipse最推薦，因為真係癡得好實，同bluemama一樣圵第一，同埋容量夠大，而且碗邊係彎既，容易比小朋友「不」到野食，點解另外個啲唔推薦，Bbox 先，癡得唔夠實，唔夠大。Marcus & Marcus ，癡得實，碗邊係彎，都容易「不」既，不過佢好癡塵，同埋碗底污垢好難清潔，而B&H，我買個隻係係可以加熱水係底既保溫碗，呢個唔係講笑，先唔講保唔保溫，佢個底有塊膠比你癡實張枱，個塊膠真係伏界第一名😂完全無用，但如果你係攞住黎餵，咁就有用啦，因為佢真係保溫既，如果bb食得慢就好岩用啦，但如果你想放喺high chair餵，咁要三思好，到餐具，餐具用過kidsme / Marcus & Marcus / Itzy ritzy / Bbox 餐具黎講，好難分高下，因為唔同既食物，唔同既階段，每個brand 對我黎講都係好好，Itzy ritzy 同kidsme 比較適合初學階段，因為形狀都係比較容易比小朋友揸上手的，初學黎講Itzy ritzy 會更勝一籌既位係，佢係軟身既，會比較安全，Bbox 都好適合初學bb，因為佢匙羹係弘弧形既，可以比小朋友學習到拎餐具既正確姿勢，同埋隻叉好容易拮到野食。而Marcus & Marcus 就比較適合熟練之後用啦，因為我覺得佢唔適合學習階段用，因為無上面3個咁好揸同埋佢係不銹鋼，比較適合大個啲既bb使用3️⃣點樣揀口水肩呢個都係按階段有唔同既選擇，細個啲既時候我都係買長袖然後包埋枱個啲，呢啲就唔怕佢哋跌到成身都係，大個啲就可以用有個兜既掛頸口水肩，因為已經開始大個，慢慢食得越嚟越乾淨，係驚有時食食下都會跌小小4️⃣點解媃媃食嘢咁乖其實佢都會唔食飯架，有時煮完可能食幾啖就唔食架啦，但係如果佢無推跌啲食物/特登dum落地下我都唔會特別話佢，因為呢個年紀通常都係出緊牙，無胃口都係好正常嘅，同埋有時我哋大人都會無胃口，小朋友有呢啲情況都係好正常嘅，但係我會教佢同大人講佢唔要，所以大部份時間佢唔想食佢就會講：飽呀，咁樣。有一個係我覺得好重要嘅一個因素，食飯一定要坐定定，唔好因為驚佢食唔飽追住佢嚟餵，呢一點係好重要的！其實佢哋唔食一餐或者兩餐，係唔會造成好大嘅傷害，你要比佢知道唔儲定食飯就冇得食，小朋友嘅行為係大人教出嚟嘅，咁當然，我都見過有小朋友餓幾多餐都唔食😂呢啲就真係無得逼，試過唔得，可能可以再諗辦法，但係唔好咩都未試之前就咁做！媃媃又好細個開始只要一食嘢就會坐high chair，同埋一定會帶口水肩，大約一歲開始媃媃已經一聽到食飯就會識得自己去攞口水肩行埋去張凳度，培養一個習慣對小朋友黎講係好重要，再講多次，小朋友嘅行為係大人教出嚟既，有時候媃媃做某啲行為，我都會諗係咪自己無意中做左令佢學左，小朋友係一張白紙，比咩佢，佢就會變成點，呢樣野我經常提住自己，越講越遠，講到尾😂想小朋友坐定定食飯，培養一個習慣係好重要，例如坐定一個位 等佢習慣坐係到=食飯5️⃣媃媃係咪咩都食唔係，成日煮完一大輪佢食兩啖就唔食，成日都有媽咪覺得媃媃咩都食，同埋係個超級吃貨，所以我煮咩都好有動力😂唔係咁架，有時煮好耐佢一啖都唔食，但我真係無為左咁氣餒過，因為大人都會揀自己才食既野黎食，小朋友都一樣，我會同自己講，我好好心機煮唔代表佢要因為咁食，有時唔鐘意就係唔鐘意，就好似你唔食榴連，你呀媽用6個鐘整個榴連pizza比你 你都唔會食😂😂😂😂😂媽媽們 我地要有好強大既心臟，除左要接受佢哋食到周圍都係，仲要接受你煮到身水身汗佢一啖都唔食🥹🥹🥹以上只係媃媃媽個人意見，並非專業意見🙌🏻但全部都係血汗史黎，個人真實情況😂希望幫到你地#blw心得 #blw分享 #blwbaby
