係咖啡廳，每日都聽到數十次的問題，"可唔可以俾杯水我呀？"其實水又唔洗錢，俾你又何況呀。但點解會另到成個咖啡廳的員工聽到這個說話，會燥底呢？因為，每次聽到這個問題，都係因為都係忙到甩晒轆時間，前邊有塞住幾廿人時候問。其實你問都唔係一個問題，有時我一定斟俾你，但係，我手頭上幾廿杯野飲，你都俾我俾埋個客先好唔好？等左30秒唔夠，係咁催你，"我想要杯水呀，有未呀？"我勁想同佢講，"你見唔見到我好多野做，可唔可等下先？" 俾左你都唔係問題，但係重要多多要求，我要暖水....，要熱水....，要冰水.....，有冇咁煩呀....，又要斟過，唉，又一個問題又來。唔知大家有冇睇過遊戲王，佢地會有重連鎖攻擊。這個連鎖會適用係拿水，由其係有三至四個阿太，三，四個大陸人，睇到一個人拿，就會幾個咁問你拿，真係救命，公司放左一個架的瓦杯，大多時間都不用來沖咖啡用，是用來斟水用！ 人潮過後，多數都要出返去個大堂清潔，見到枱面D水，真係唔知好嬲定好笑，杯杯都可能只係飲一兩啖就放係道，有些係真頭冇飲過放係道，我心中第一句就係"我X你呀，催生晒，又唔飲".....之後又要拿回去倒，等如香港向大陸買東江水，用唔晒要倒落海一樣，唉！ 總會有人問，有冇咁誇張呀？係，就係咁誇張，我曾經同我的同事講過，"客人唔會因為俾錯一杯咖啡而投訴你，佢地會因為你唔俾水佢而投訴你。"當我打一份關於投訢的MEMO，我見到一單投訢我呆了。內容大約係因為客人想一杯水，但係個同事仔俾左半杯水佢而投訴。有一句我好記得"我要求俾一杯水，唔係要半杯水，點解你同事俾半杯水我".....睇完我只有四個字"神情呆滯"。因為俾少半杯水，分區要俾個客罵，經理又要做報告，你話我小個客，你投訴我，我心甘命底，因為半水而俾人投訴，我真係想打爆佢............. 其實一杯水的重要性，不在乎於果杯水的價值，而是那杯水可以令到佢地有面子，吹水打牙交拿來霸位用的，但係，你覺唔覺得，你係人地忙到頭煙果陣，去拿一杯水，叫佢等一下都要黑面，或者由佢講野第一刻開始，由你弄佢杯咖啡的第一刻開始，已經不停同你講，我要幾多杯水，有冇諗過做緊果陣的人的感受呢？有次是我自己的親身經歷，有位太太，來買了兩杯咖啡和幾件食品，之後同我講話要四杯水，由我同事開始做佢第一杯咖啡開始，我開始斟果四杯水，佢就由我開始斟第一杯時已經講，"我要四杯水，我要四杯水"，最後斟到第三杯，佢重一直講住，我就發火，之後就係邊叫出去，"小姐，果四杯水我斟緊啦，我唔會唔俾你。"當時我同事發覺得堅係燥左，就搶我最後一杯水，之後叫我行開下。 做服務業的我們，當然要有禮貌對客人啦，但係就係當年劉天王的那一句"今時今日，咁的服務態度係咁得WOW'，這句說話開始，我們做服務，就要依果個廣告咁做，有人會當我地係工人，當我們是查貨員，佢地要就要我地幫佢找，幫佢地留，留完同我地講，清貨減價先來叫我買啦，大家可能說，有冇老作呀，冇，真人真事，唉，香港人，有時幫唔落。 我們給水給客人，是我們的EXTRA服務，但我們就係俾這個extra的服務而俾人投訴。甚至因為這杯水的投訴而被高層要求向客人道歉，我覺得，你俾張WRANING我，或者炒左我就算啦，唔好係道養怪獸啦，受苦的只有是對綫員工，不會是在寫字樓的離地高層。
