我好多朋友都會問我，你有冇乜野Coupon俾我，你公司的東西好貴呢，講真，我都覺得好貴。不曾我有諗過，如果我有一天不做這工作怎麼辦？我每天飲的那杯咖啡埋單計數要48蚊，如果我每天都真金百銀去賣，我怕我有一半薪水都給了咖啡廳，哈哈，但我一日未走，一日不想這個問題。 其實每天都會有好多人，除左問我地員工拿Coupon之外，重有想盡辦法去以最低的價錢，拿最多的利益。其實每次我們都會好唔甘心的在內心問一句，"頂，你有冇咁cheap呀？"在做職員仔時都會覺得沒有什麼大不了，要咪俾佢law，公司話呀嗎，"什麼都要答應呢"。沒有人會問這，真係乜都可以答應？如果客人要係錢包內拿錢，你都要答應嗎？ 網路上有很多人教如何可以最低價錢去食麥當勞，但可以話俾你地知，好多人都會用好多方法飲平價咖啡，會利用公司的免費配備和漏洞去令到自己可以一個最低價錢去飲到，不過我覺得，你去得咖啡廳，你們都是想享受一杯比茶餐廳好的咖啡，問心？這樣的一杯咖啡，你會覺得好飲嗎？所以，這些人又會有新的想法，生物有進化，這些方法的人都會有進化。簡單一個例，有位客人要一杯雙份的特濃咖啡，但問你拿一隻大杯的熱奶，好多人都會講，嘩，咁咪好著數。係，佢真係好著數，因為，佢只係化了20元，就可以飲到一杯39元的咖啡。作為一個中年怒漢，我一定試過拒絕佢這個要求啦，但係，我最後換來的就是給這個人臭罵一頓，原因好簡單，佢同你講一句，我賣了咖啡，你就會提供奶給我吧。我想大家一定在想，這是強國人或是一些比較節儉的香港人行為呢，我告訴你們，這是一個外國人的行為。有一天，那個人還要洋洋得意的跟我說，" I like drink the coffee this way. "聽完，我真係憤怒了，有同事曾經拒絕而給臭罵，但最後都要退錢給這個人，唉，公司高層跟你說，要當這個是自己的生意，但這些人，不是在你錢包上拿錢嗎？但我們都要在自己的錢包拿他們，他們比打劫的人更聰明，因為他們不用拿刀拿槍，只要用一個電話號碼，就可以在錢包上拿錢。我真的很和這些人說句，"家陣茶餐廳一杯咖啡都收到差唔多20蚊啦，好心啦，咁大個人就唔好咁樣衰啦，唉" 我相信，我見到例子，只是冰山一角，還有更多我們的同事，可以比我遇到的更過份，但我們都只能說"可以呀"，但心裏都會不禁的問一句，"死鏟，你有冇咁Cheap呀？"
