依家日日咁多菌出街都驚，依家出街咁多菌真係非常驚，日日喺屋企，又去唔到做facial，唯有喺屋企自己做潔面護膚嘅程序。雖然話唔使見人啫，但係始終都要keep住一個好嘅狀態。今次就同大家講洗面，要洗得乾淨啲，美容潔面巾，就會係一個好好嘅選擇。雖然在環保嘅角度，會係有點浪費。但在乾淨衛生嚟講佢確實係一個非常之好嘅選擇。 呢排多咗好多美容潔面巾，究竟邊隻好呢？今次就實測，萬寧和屈臣氏自家品牌嘅美容潔面巾。 包裝：屈臣氏款式像盒裝紙巾，每張獨立抽取式，更有緊實封口盒蓋能防塵，更方便衞生。萬寧就似卷裝廁紙，要沿線每張自己撕開，抽取比較麻煩，亦無咁衞生包裝而言，屈臣氏絕對係完勝！抽取方便衛生更加user-friendly，在設計上比較貼心。 質地：對比兩款的質地，屈臣氏是比較薄身滑淨，而萬寧就會比較厚身，有質感有點像廚房紙一般 濕水後效果：以為屈臣氏比較薄身，會容易溶化斷開，但係原來佢嘅效果非常之堅韌萬寧嘅潔面巾濕水後，亦都非常堅韌，但係比較屈臣氏就冇咁滑淨，在潔面嘅感覺來說是比較“鞋”，真的有點像用廚房紙潔面一般，相反，屈臣氏潔面巾潔面效果是比較順滑。 價錢：兩款潔面巾同時賣＄39.9，但屈臣氏片（會員價29.9）就有100片，而萬寧就是80片 size:屈臣氏180mmx200mm萬寧200mmx200mm雖然萬寧略大些少,但整體分別不大 (除非你是very big face!) 其他：屈臣氏美容潔面巾, 有天然植物纖維可自然分解比較環保 個人體驗，個人極之喜歡使用美容潔面巾，潔面效果絕對非常理想，特別係每朝早晨起來的時候，滿臉油脂和眼屎，用美容潔面巾潔面，實在會比較衛生同埋潔淨，避免毛巾的細菌滋生，減少肌膚受感染，敏感和毛孔堵塞。現在已完全代替了傳統洗面巾, 敏感減少了, 肌膚更覺潔淨。尤其在使用一啲cream狀嘅面膜後，用潔面巾去清潔亦都會比較方便。總括而言：兩款品牌比較，屈臣氏潔面巾，絕對有驚喜！以為佢比較薄身嘅質地會容易溶化或斷開，非但沒有，而潔面效果更非常之好，感覺乾淨而順滑質感。價錢方面亦非常親民，早晚使用的話一盒已經可以用一個半月，計返每日只是五毫子！總觀屈臣氏絕對性價比極高，無論在質量、價錢、performance，觸感各方面都較優勝，絕對完勝萬寧！ 備註：因為質地本身是非水溶性，潔面巾是不可以丟棄在馬桶內。#是次為自費測評, 純屬個人感覺和意見, 並無廣告成分。喜歡我blog, 歡迎讚好我的facebook page: https://www.facebook.com/prmissa更多文章刊載: https://problogazine.com/beauty-treasurehttps://problogazine.com/health-whisper#美容潔面巾 #美容小工具 #潔面 #家中美容 #潔面巾大比拼 #屈臣氏潔面巾 #萬寧潔面巾 #prmissa #problogazine #一次性潔面巾
