野餐大家會諗到去邊個地方？我會選擇去啟德郵輪碼頭，點解？因為果度有一大片綠油油的草地，可以對住海，又有一個好靚的背景，影相打卡放空一流。 啟德郵輪碼頭交通： 1）小巴: 綠色專線小巴86號 路線：往返郵輪碼頭 至 九龍灣港鐵站（德福花園） 服務時間：每日早上6 時40分– 晚上11時 (第一班小巴將於早上6 時40分由德福花園開出) 收費：每程 $6 （2020年3月8號起，收費將改為$6.4） 車程：約為8至25分 上落車地點 – 德福花園（九龍灣地鐵站A出口)：德福廣場二期地下巴士總站 2）巴士: 城巴22 路線：穿梭行走郵輪碼頭、又一城 服務時間：05:40至00:15 收費：每程港元 $4.9 車程：約為30分鐘 城巴22M 路線：穿梭行走郵輪碼頭、九龍城 服務時間：05:55至 23:25 收費：每程港元 $4.9 車程：約為30分鐘 九巴5R 路線：穿梭行走郵輪碼頭、牛頭角及觀塘港鐵站 服務時間：周六、日及假期，早上11時至晚上7時提供服務。 收費：每程 $6.7 車程：約為20分鐘 上落車地點 – 牛頭角地鐵站A出口 上落車地點 – 觀塘地鐵站A2出口: APM 巴士站 -觀塘路 https://www.buys.hk/grand-hyatt-cake-shop/html/cakeshop-checkout-zh.html 當日我地早早起身，準備左一D小食：蘋果薯仔粟米🌽沙律，素飯飯團🍙，芝士腸仔，抺茶粉，熱水同飲品。我地仲之前訂左Grand Hyatt Hong茶園秋季下午茶外賣兩位。 之前去名古屋面包超人館買的野餐墊可以用上，好得意，仲要拎埋冰袋冰住飲品，因為太熱晒住，飲凍飲品真係好正。 選擇位置要近海景位置，又要去到邊邊位置，起碼你前面係冇人，可以自我放鬆一下，後面的背景係郵輪碼頭，影相真係好好睇，我影相唔專業，都覺得唔錯。 後面好多人自備帳幕來擋陽光，我地就好好同陽光玩遊戲。岩岩好影到太陽去到郵輪碼頭位置，個背景幾靚，係我影完先發現。 點擊圖片放大 岩岩諗識的你，係目無表情，依家肯同我影下相，做下古怪的表情，因為我成日講，真係要好好珍惜大家的時光，而我，好想記載我地每一件生活的點滴，可能你會覺得好無聊，但過左一年或者幾年後，會慢慢發現原來我地當時有做過哩D事，冇去過哩個地方。 我地休休閒閒玩到日落，雖然過得好簡單，但我地已經好滿足。
