大家都應該知道不正妹是亞洲國際博覽館的常客吧! 除了去看K-Pop Concert之外，Exhibition, Music Show跟Drama也同樣熱愛！ 有留意開小妹FB & IG就知道前幾日又入左去睇咸蛋超人個Live Show啦！ 無意間俾我見到呢張宣傳Poster啊！原來＜冰河世紀＞都做Live Show啊！ 點解依家Ｄ小朋友咁幸福架！呢個暑假未開始放，就已經大把節目等緊佢地！ 我同小件都有追開＜冰河世紀＞電影架！ (睇卡通跟動畫不止是小朋友的權利!XD....) 立即心郁郁想黎睇啦! 見價錢都唔算貴呀! 平過我去睇K-POP啦! 小件本身工作就跟舞台扯上關係，Lighting & Audio都做過，身為專業人士的他都話值得入場睇喎！ 又係Ｏ既！舞台上的演繹，燈光及音響效果又真係唔同電影的表達方式。 加上現場設置3D超大螢幕配合全360度特技效果，相信應該會更生動，更震撼吧！ 聘請了世界最頂級的專業人士，利用喜劇，馬戲團，空中特技， 冰上溜冰，舞蹈來演繹活生生＜冰河世紀＞。 ＜冰河世紀＞1,2,3集的人物都會出現在Show裡面啊！ 你會唔會統統記得哂佢地所有角色的名字呢？ 點擊圖片放大 +7 為了令本地觀眾更投入，還請來香港Artist為Live廣東版配音添呀！ 除了廣東話，還有英語及普通話配音架！ 故事內容： 賣座動畫《冰河世紀》系列，長毛象「文輝 (Manny) 」、劍齒虎「大阿哥 (Diego)」、 樹獺「森仔 (Sid) 」等連同一班新朋友，齊齊玩轉冰天雪地。 今次的嶄新故事起始自冰源漸漸減少，三個老友為了生存一起踏上尋找新居之旅。 聯合編劇EllaLouiseAllaire為冰上表演帶來了不少新角色 : 狐狸、白熊、以及一隻白色史前巨鳥名叫幻影 (Shadow) 的邪惡老鷹。 旅途驚險刺激，森仔 (Sid) 被催眠、愛莉 (Ellie) 受傷、小長毛象蜜桃 (Peach) 更被全新登場的邪惡老鷹捉走了！ 營救過程，緊張刺激；歷經了重重險阻才營救家人。 雖然任務成功了，但在回家路上，他們遭遇了雪崩， 落入一個奇妙的地下王國……然後....<<入場睇先知道結局啦！>> 每一次＜冰河世紀＞的電影都會好好笑，好刺激同埋富有教育意義， 大家一定會從中學到什麼道理，或者有什麼感動到自已。 唔知道今次Live Show除了咁豐富的表演內容外，仲會唔會學到咩道理， 或者有咩感動位呢？期待Show Time! ^^ 「冰上動感 冰河世紀 LIVE! 香港站 長毛象大冒險」舞台音樂劇 地點：亞洲國際博覽館Arena 日期：2015年7月23－26日 門票：$680/ $500/ $380 （設有家庭套票，可以$2,400優惠價同時購買 4 張 $680 門票。） 售票地點：城市電腦售票網 演出時間：約120分鐘 小妹覺得大人小朋友一樣適合睇呢個Show， 無論係朋友，情侶定一家大細黎睇都一定開心！ 小妹已經約左朋友仔一齊黎睇啦！ 聽聞SHOW前會有主角森仔及現場擺設供拍照,(<<追星的拍定動作)， 到時Facebook再跟大家Update花絮！^^ Enjoy our Life!~~~Happy Ice Summer~~ 訂購網站 : http://ticket.urbtix.hk/internet/zh_TW/eventDetail/26240 官方網站 : http://www.iceagelivehk.com/ 預告片 : https://youtu.be/lFjEdaV55oM 製作特輯 : https://youtu.be/tcGI630-l-U 配音幕後花絮: https://youtu.be/6szHx-6Dz5M Facebook : https://www.facebook.com/pages/Ice-Age-Live-HK/838398926233294?fref=ts 不正妹 Email: primayy.blogger@gmail.com不正妹 Facebook : https://www.facebook.com/BloggerPriMaK不正妹 IG : http://instagram.com/primayy不正妹愛犬 Facebook - 紳士魔※MoagUs : https://www.facebook.com/gentlemoagus
