不正妹轉了新工作...好忙啊!! 日日都要OT...好累.....不過整頓好後, 應該可以快D跟大家聚多D啦!!! 祝我好運啦!!!! 好啦~ 繼續我的越南遊記Day 4 先! 上次講到係胡志明市玩左3日了! 第4日會去越南內另一個地方, 越南的浪漫之都, 名為”Dalat 大叻”! 這裡更有法國效區的感覺! 今次旅程只有六天時間, 因為第一次來, 胡志明市一定要踏足的! 之後就只能再選擇多一個地方… 我們於”大叻”跟”藩切”掙扎了好一段時間, 最後都是決定”大叻”了!!! 因為我們想”浪漫”一番! 如果去藩切, 坐車要成4個小時的, 男士們都覺得很痛苦~ 雖然是有陽光與海灘, 但我們都決定捨棄這裡了! 去大叻, 我們只需多花大約$600港元就可以坐來回內陸機~ 45MINS就可以由胡志明市去到大叻嘍! 其次就是….剛好第4天是3月14號, 是白色情人節啊! 而且是我和豬仔的紀念日, 我們每月的14號都必定在一起慶祝一番! 因為我們是2月14號一起的! 月月happy day就是在14號啦!! HEE~~~~ 浪漫日子會幹什麼呢??? Come On! 出發嘍!! 5點幾就出發到內陸機場啦! 內陸機場其實就在國際機場旁邊! 而且由市中心坐的士到機場廿分鐘左右就可以抵達啦! 很不方便! 我們要坐8am的飛機, 所以預早些少到, 吃完早餐再上機! 第一次坐內陸機, 好興奮啊!!! 不過那個內陸機場的check in 處, 實在臭得很… 真的不知道怎樣形容….v.v…. check in 完可能真的太早了, 就只有一間outdoor的食店開門, 沒有選擇之下, 就決定這裡食早餐啦!穩真地又食PHO啦! 望住個太陽升起來!! Hee… 夠鐘上機啦!!!! 好好天氣啊!!! Hee!! 大叻我來啦! 45mins後見! 非常快~無訓過已經到左大叻機場啦 !! 好靚啊!!! 雖然機場小小的, 可是我覺得這裡比胡志明市的國際機場還要美! 呵~~~這個天氣下… 令大叻更加美呀!! 心情好good!!! 第一個感覺是….我一定會迷上大叻了!! ^v^ 大叻機場離市區頗遠下…一定要截的士出去啦! 這裡set死了收費, 250,000v一程! 我們亦選擇了七人車就出發嘍!!! help!!! 我像置身在世外桃源嗎??? 實在太法國了… 完全不像在東南亞地區啊!! 一條直直的公路….很多樹… 屋子堆在一起… 真的像法國南部呢! 大約45mins左右就去到酒店啦! 落車睇下咪錶...WA...如果BY METER...貴左成倍架!! Ana Mandara Villas Dalat Resort & Spa ( http://www.anamandara-resort.com/ ) 其實我們的酒店都比較偏僻的, 就在山上面! 不過環境真的好正啊!! 山景resort~hee… 而且服務真一流啊!!!!!! 一般來說, 要下午2時才check in的, 因我們早機到, 早上10時就抵達resort了! 他們安排了我們先到guest house休息! 一有房間空出就會幫忙把行李整理送過去! 嘩~~好大啊! 整幢戶子共有3間睡房, 每間睡房有獨立toilet, 有大廳, 有廚房, 有後花園! ^v^ 每間睡房的設計都有些少分別的~分別設在地庫, 中層跟樓上~ staff說每幢villa都是類似的格局, 不想3pair住在一起, 可以選擇另外獨立屋, hee~~不過我們愛湊熱鬧, 而且每pair都有自已獨立睡房, 所以就選擇了villa啦! 未有房子, 我們就在resort裡逛逛啦!! 我們先去了swimming pool看~~ 靜到呀.. 無人架!! 呢度仲有得打snooker架! 不過好多蚊呀!!!!!! 我地係度訓左陣就周圍行影相啦!! resort內有得做spa架!! 做法式spa的 ! 叫做La Cochinchine～ 在胡志明市已經好想做spa, 不過礙於行程不便, 所以唯有擱置了.. hee!! 太棒嘍!! 二話不說就入去看看啦! 我說過今次旅程一定要做spa!!! 工作太勞累啦!! 幾年無去泰國.. 真係好想spa一spa呢!! 望一望d package, 其實做spa預左貴架啦! 所以我覺得可以接受! 而且一早跟豬仔約定, 預左呢筆錢架啦! 當我係度睇緊o既時候, 佢係咁全程唔like的樣子, 說前日曬傷了d皮膚唔想做spa…怕痛.. 我已經問清楚個staff, 有d磨沙係細粒d, 到時輕手d就可以~ 佢仲係say no…個刻真的想打佢呀! 係度扮細路仔…唔制唔制…佢班朋友仔係咁笑我地.. 真的想發脾氣了!! 我唔理呀!! 我一定要做呀!! 你唔做我就自已一個做! 今日咩日子呀! 約定了又反口… 有幾痛je.. 最多你做曬後護理o羅…那刻個心真係唔舒服… 但係又唔可以發佢脾氣, 要俾面子佢…我忍左佢! 佢應該feel到我好唔happy, 最後自已行埋黎睇左眼就話做o羅~ 係順返少少條氣….但當天的心情已經大打了折扣… 填了問卷, 大約問你想要的力度, 那些位不舒服, 要特別照顧, 選擇做SPA的物料, 好像是磨沙那些用料…, 我們Book的Honeymoon Package還有dinner食的~ 有兩個set的, 一個是法式, 另一個是素食的, 包埋餐法國餐! 我覺得算抵啦!!! book了下午4點, 我們就去call taxi出市中心啦! 我們當然去搵食先啦!! Book taxi途中, 酒店staff 介紹了一間餐館給我們 是吃俄羅斯菜的~ 橫掂大家都不太熟悉這裡..就試試吧! 然後他們就叫staff車我們過去啦! 照看應該是有bonus分? 原來就像私房菜啦!!! 廚師就是這間店子的老闆娘啊! 不是說特別出眾, 還可以啦!! 我們叫了個牛油雞翼! 等左好耐都未黎…. 心想最簡單的菜式為何那麼久啊! 但原來…….這個牛油雞翼跟我們香港的很大出入… 是這個樣子啦…像雲耳雞...我不覺得特別好吃... 食個飽飽就出發去Dalat Plaza啦!! 跟香港的街市沒分別啊~ 裡面的都不太好看…只是為了買咖啡而來罷了! 看了幾間…價錢都開價太高…有點過份… 最後找到有一間有翻譯?! Haa…原來是一個香港來的大叔呀! 全程跟老闆娘殺價, 他都幫忙解釋著~ 最後殺到他都忍唔住出聲, “差不多啦..夠啦!!” 無眼睇的樣子…haa~~笑死左~~ 在這裡擾攘了差不多成個鐘呢~ 之後我們就向大叻火車站出發啦! 其實這裡不是有火車坐, 而是一個懷舊車站的樣子, 不收費形式的~來拍拍照就是啦!! 不過, 我地一路影一路就有隻蜜蜂係咁跟住我地.. 嚇死人啦!!!!!!!! 我係鐵路上玩緊個時…俾我發現有隻死了的四腳爬爬伏屍係我腳邊.. 嚇到我打冷震呀!!! 見到銀色一舊.. 唔知咩黎…仲低頭望…好核突…>w< 然後就返酒店放低d野先~ 嘩~~~我們的villa!!! ^v^hee~~~我們選了中間大廳那間呢!~ 因為我book hotel時, 說我們的紀念日, 佢專程佈置了呢…. 朋友們的房間又是怎樣??! 天呀~~~ 樓上那間有天窗, 可以一路沖涼一路睇星星~ 樓下個間, toilet比較獨立, 還要落一段樓梯, 很有獨立空間~ hee.. 大家的浸缸都是一樣的~~~這樣子的啊!!! 之後我同豬仔就去做spa啦!!!!!! 朋友們就睡午覺~ 我等了很久的spa終於來臨啦!!!!!!! 首先帶我們入去換對拖鞋先, 然後就入房啦!! 因為我們book的是Honeymoon Package, 所以我們在VIP房做的~ 入到去, 眼見一個大廳, 然後有偏廳, 及TOILET~ 有點像書房FEEL~ 暗暗的燈光,…已經很想睡嘍!! 首先入TOILET換衫~著住浴袍出黎~ 其實呢個過程不於唔好著算啦~快到….HAA! 除左件袍就磨沙啦~好香啊~~ 之後要去沖身先~好核突..彰住個body.. 有龜裂情況出現~ 哈哈……………. 之後, 出到去我先按body, 豬仔就按腳啦! 好舒服呀~~按按下我訓著左…. 技師叫左我幾聲先起到身…走去按腳… 之後又係訓著左….真係好tired~~ha…. 我們同一時間完成~玫瑰牛奶浴已經為我們準備好啦!! 呵……..浸到唔願郁…其實訓左咁耐…個人唔係好想郁呢! 但係其實都幾肚餓…haa!!! 浸完沖返個涼上餐廳食我們的法國大餐嘍!!! hee~~~ 呢一餐不要看少它! 食物細細碟, 但都食得幾飽下! 都幾好味!!! 我們坐outdoor, 晚上都幾涼下~ 在大叻, 日夜溫差都幾明顯架!! 所以要帶定件外套旁身~ yummy yummy~~ 食到想返villa啦! 但係staff話仲有甜品呀~~ 嘩~~~呢個package真係唔錯啊! 成3個小時的spa加這個大餐~ 圍返接近HKD2,000/COUPLE 9點幾返到Villa~staff又幫我地預備了紀念日的cake~ 不過太多cream啦!! 岩岩先食到咁飽~ 以家都無心情食啦!! 真係影完相食左啖就放低了..haa! then就係大廳度做宅男宅女啦!! 成班仔仔係度屠龍…真係咁好玩咩?? 我地女仔就係度過相…同上網睇新聞… update下日本海潚情況….唉…心upup呢~~ 有點掛屋企人呢…呢個世界真係話唔埋… 可能明天就是世界末日…….有點不安呢… 呢個時候…我收到妹妹的apps….爺爺走左… 心情好差….雖然我不太跟我爺爺親…但是總會有些童年回憶吧.. 年紀大難免會…..去旅行時發生這兩件大事.. 感覺特別深….. 但我也要忍住這個負面情緒, 不能影響今次旅行的…. 跟豬仔臨訓前傾計, 他說他還是喜歡到深圳按摩多過做spa…… 真係激死左….咩叫享受呀~~他說喜歡俾人用中式整到佢痛先夠爽.. 做spa只覺得個技師係度摸佢全身.. 唔覺得特別舒服… 這就是男仔跟女仔的分別嗎??!!! V..v….. 我跟豬豬的四年零一個月就是在這個情況下渡過了…. 難忘這個白色情人節…有激動, 有開心, 有擔心, 有滿足的一刻~ 明天應該算是逗留越南的最後一天了! 因為last day一早就要坐內陸機返胡志明市轉搭中午飛機返香港啦!! 不捨得吧~明天join了The Sinn 大叻local tour呢! 我俾隻馬咬呀!!! V.v…仲做了一樣我一直好想好想好想做的事!! 令我興奮左好耐!!!!! 想知道咩事嗎?? 留意我Day 5 遊記啦!! 不過, 要等等我啦~~~ Haa…. With Love, ＊不正妹＊ＰｒｉＭａ＊ 相關文章: Hea遊越南2011 之 預備篇 http://www.theztyle.com/blog/space.php?uid=25007&do=blog&id=94037 Hea遊越南2011 之 Day1 : 未能適應寒冬變炎夏+為未來兩天作好準備 http://www.theztyle.com/blog/space.php?uid=25007&do=blog&id=95060 Hea遊越南2011 之 Day2 : 朝聖@頭頓耶穌山 http://www.theztyle.com/blog/space.php?uid=25007&do=blog&id=95346 Hea遊越南2011 之 Day3 : 擺大烏龍@Local Tour... http://www.theztyle.com/blog/space.php?uid=25007&do=blog&id=102640
