大家還記得不正妹的越南遊記嗎?? haa!!! 我自已也差不多忘了呢! 之前執屋過後, 不見了越南旅遊書同收集回來的資料, 所以一直delay出遊記呢!! ( 當然, 自已也懶了...haa!!) 好~~現在出現返~的起個心肝出DAY 3先啦!! 希望大家喜歡! ^V^ ============================================= 今天不想吃酒店的早餐啦! 因為好想學學本地人坐在街邊食個早餐呀! hee.....我們就早些少出門, 去鬼佬街搵食! 未訓醒的樣子~這個BUILDING簡直是鬼佬街的地標~ 剛好在Tour Guide對面馬路有一間法包選擇較多的面包店! ha!!! 看見很多上班一族係買外賣的, 就只有我們跟另外2個外國人坐街邊食! 呵!!! 就是這樣子坐在街邊...很有風味... 好彩不是太多車駛過, 若不, 真的沙塵滾滾啊~~ 法包10,000V一個啊~~~有很多料選擇的, 一定有好多菜係裡面, 你自已再選肉, 像豬肉, 吞拿魚, 腸...ETC~ 8點半準時過返對面馬路門口前集合~ 很多人啊~~什麼國藉都有... 眼前日本人, 泰國人, 菲律賓人, 外國人...ETC 等了10MINS左右, 旅遊巴就到了, 我們就上車坐坐~ 導遊一上車自我介紹完之後就每人排了一支水跟兩張濕紙巾! (在這個熱熱的天氣, 真的好重要) 車子開動啦! 導遊說要坐2個鐘車, 所以不斷跟我們有互動, 他首先問問車上有來自那些國家的團友, 我們這團都不算FULL, 有柬蒲寨, 香港, 俄羅斯, 芬蘭人, 美國人~ 還大唱了幾首英文歌娛樂大家~ 說真的, 這個導遊真的很棒, 應算優等啦! 他能操多個語言, 連俄羅斯話都識..好勁!! 之後就一直訓啦...都好似訓左好耐終於到啦!! 第一站是高教臺, 這個廟宇特別在有神論, 你想到的神, 這裡都會供奉的! 每天中午12點就會有儀式進行, 我們就是去看看這個啦! 對於這個熱死辣辣的天氣, 我們在外面影了一陣就鼠了入廟啦~ 雖然無冷氣, 但相比下已透心涼啦!! 入廟前一定要除鞋啦~~準備入去抺地啦! 這個很有趣嗎??? 我覺得好似20世紀少年裡面的"朋友"LOGO啊~ 裡面的柱子都很美啊~而且儀式進行時, 男女要分開企的, 還有LIVE啊~ 其實儀式都無咩睇, 聽佢地唸經咁....所以我地好快又忍唔住,出返去影相~ 無聊自拍~腳架多得你! 我們才能自娛~HAA... 玩到咁上下, 其他團友出黎啦~~ 好HUNGRY~~ 佢就帶我地去食飯啦~不過, LOCAL TOUR係唔包食, SO要自費的啊~ 穩穩鎮鎮都係去食PHO同飯啦~又怎能少得越南咖啡呢~ 真係差不多餐餐都想飲~唔係佢就係百事可樂! 食飽飽之後, 就坐了一個鐘車出去! 第二站是古芝地道啊! 好似去親越南都實要黎呢度咁~ 了解下咩係越戰, 當時情況係點, 佢地D機關係點咁啦~ 導遊勁落力呀..好似佢係呢度做咁.. 呢度無staff示範o既.. 佢全程得一個人, 見佢好忙呀..haa! 訓哂身..好誇張! 有一part係坐係度movie架.... 咩世界大戰個d呢... 大家都要嚴肅對待~ 我都有親身感受下架.. 落左去個條地道...help!! 我膝頭受創呀!! 躊住行左成十分鐘呀!! 一d都唔好受... 導遊話越南人較矮細, 所以唔覺得係d咩! 但對於外國人來說就很困難啦~ 地道成為佢地的優勢~ 仲有D軍事基地場景同坦克車可拍照留念~ 成5點啦~~~我開始有個疑問啦~~ 我地JOIN個團明明係古芝地道+胡志明市內的地標, 如博物館, 教堂..ETC, 點解個行程有出入O既...玩左成日, 以家先清醒過來, 立即問問導遊~他說玩完古芝地道, 現有就回胡志明市解散啦~ OH!!!!!!! 我們JOIN錯了團呀!!! @.@!!! 好大個烏龍呢.... 我地六條友笑左超耐.......HAA!!! 睇返D相.. 真係喎~....自已JOIN錯左都唔知...死愚添... 所以話呢.... 大家如果去越南有興趣Join local tour的話, 要睇清楚, 因為他都有幾個團選擇的, 出單時看清楚沒錯才簽名及付款~ 我們擺明就是出單時沒有看清楚就簽了, 連自已join錯了都不知道~ anyway, 今天我都感到滿意的~去了很遠的地方, 而且導遊服務都很好! (關於local tour, 可看我之前的day1遊記) 回到胡志明市已經是晚上七點鐘啦! 我們決家自行去原本想去的地方, 就係郵政局跟大教堂啦! 他們就在同一個地方, 只隔一條馬路罷了! 可惜的是, 郵政局的寄件部及售賣部都關門了, 不能寄明信片了~~~ 逗留了一個鐘左右, 我們就去醫肚啦!! 勞動了一整天, 個人出左好多汗~好攰呢~ 我們看著旅遊書, 就去了就近的越南餐廳用膳 內裡有live表演的~~ 雖說就近... 但我們還是不理會那麼多.. taxi唔該~ 在街邊等了很久都沒有車...是繁忙時間嗎? 滿座..>< 這個餐廳叫做Vietnam House啊~ 好岩我們口味~~ 我還遇上人生第一次見到的可怕魚魚!! 佢係企住咁上架!!! 實在太攪笑..haa!! Vietnam House: http://www.vietnamhousesaigon.com/home/en.html 辛勞的一天就是這樣過去了!!! 旅程去了一半啦!! 我十分期待之後2天的行程, 因為我會去越南的浪漫之都-大叻啊! 聽朝要一早去坐內陸機!!! 好興奮~ 第一次坐內陸機的關係! 還有, 最想做的事情---- SPA!!! 另外... HEE~~~~明天是什麼日子啊~ 是一個特別日子... 留意我的遊記吧!! 希望下星期可以出到Day 4的遊記! ^v^ 希望大家喜歡我的文章!! 繼續多多棒場啦!!! With Love, ＊不正妹＊ＰｒｉＭａ＊ 相關文章: Hea遊越南2011 之 預備篇 http://www.theztyle.com/blog/space.php?uid=25007&do=blog&id=94037 Hea遊越南2011 之 Day1 : 未能適應寒冬變炎夏+為未來兩天作好準備 http://www.theztyle.com/blog/space.php?uid=25007&do=blog&id=95060 Hea遊越南2011 之 Day2 : 朝聖@頭頓耶穌山 http://www.theztyle.com/blog/space.php?uid=25007&do=blog&id=95346
