上班差不多一個月啦！可能我對自己太有信心，以爲自己從ftm轉到在職媽媽會好容易適應，當初的確抱住積極心態以爲就可以hold 得住，但事實卻唔系。。。。。 上班時候都會分心掛住仔仔，重返職場感覺好多嘢都生疏咗，同事之間相處，也沒有我想象中咁好lor，自自然然承受的壓力無形多咗。雖然已經爲人母親，有時自己思想都唔夠成熟，偶然都想呻下生活唔容易！壓力大！ 好彩老公明白我，知道我都系要時間慢慢適應，聽我呻，比我鼓勵。 仔仔也要適應，由以前系我湊佢返學，放學，煮餸，到變成工人姐姐幫我做。一開始睇得出仔仔有小小失落感，畢竟一開始系我湊，我同仔仔解析其實你依家大個咗啦，要慢慢學會獨立，男子漢都系要經歷這些轉變！返學放學由工人姐姐湊，但系翻到屋企，媽媽落班翻嚟一樣可以輔導你做作業，都系一樣。媽媽信你，可以做得到，而且工人姐姐咁錫你，媽媽都放心。 原來每個階段，我們的角色都會隨着時間改變，我要接受自己重返職場，仔仔要長大獨立，每個階段都有各自要修煉的功課，於是我們都要努力，才能在未來的日子裏更有力量
