話咁快就到年廿八，梗系要洗邋遢啦！今年多咗個工人姐姐 luara 幫手，一齊加入屋企大掃除行列，我真系輕鬆唔少。上週六接完佢，帶佢買咗屬於佢自己的日常用品，熟悉附近環境。luara第一次嚟香港，但系都表現得唔錯下，好好笑容，仔仔都鐘意佢呀。 雖然剛剛嚟到呢度先兩日，我問佢習慣未，佢話慢慢就會適應新環境。我驚佢嚟到新環境需要時間適應，就捻住搞衛生唔洗點預佢，等佢休息下。點知佢主動提出要幫我手，我梗系開心啦，覺得自己可能真系搵到個好工人姐姐！ 一起搞完公共區域衛生後，luara 仲捻住幫手搞埋仔仔房間衛生，我就話，唔洗我哋幫小朋友搞衛生，我要趁年廿八，等仔仔自己行動起來，為自己的房間進行大掃除，培養自己動手為自己負責的意識。 昨日幫仔仔買了各種的新文具，也添了一個新書架，獎勵仔仔，搞完自己房間既衛生，把地方來個更新，就可以把新物品擺入去啦，新年到，也要有新氣象！
