話咁快又一個禮拜啦~今日已經週五，又有得週末休息+勞工假~yeah。但系對我呢個ftm來講都冇乜特別期望喔，因爲唔洗上班啊嘛！不過仔仔同老公都有得放假休息，又有家庭樂。 最近培養咗一個新愛好，就系整蛋糕！ 前果排買咗個家用烤箱，捻住發揮下小宇宙，跟住網上教程DIY整蛋糕。因爲整蛋糕我覺得系最簡單，就整個蛋糕胚，外面加奶油加水果裝飾就OK。 週二晚時候試咗下整蛋糕，但系failed咗......唔知系米底筋麪粉放得少，而且我冇跟住網上教程一模一樣，所以分量錯咗好多...... 昨晚，再重新再來整多次，我就今次乜分量都跟到足！ 然後蛋糕胚就整成功咗啦！好開心！ 但系唯一美中不足就系自己打cream，打的唔夠好。第一次打crean打過頭，搞後尾D cream黃曬又結塊。咁就重新另開打過個cream 啦，我就好驚會打過頭，就自己慢慢控制，然後終於可以打到cream啦~雖然唔夠硬淨，後尾上網查點解會咁啦？原來D cream要放上去冰箱最凍啊陣急凍，甘樣cream先至夠硬淨夠白！好lor ，今次又好多地方冇注意到，我真系大頭蝦啦，下次我會注意嘎！原來好多嘢都系要試驗過先知，實踐出真知，無論做人還是做事。等我聽日，仔仔同老公放假，家庭樂一齊整下蛋糕先，經常整，練好手勢，等老公同仔仔都鐘意！ 最後附上兩幅昨晚整蛋糕的成品圖（雖然cream打的唔夠好，有D融啦，但系上面D水果擺的好好睇，雖然不夠完美，但系老公同仔仔都很肯定我用心整噶蛋糕，話好好吃喔，我哋都吃得好開心！雖然今次整D唔夠完美，希望練多D，越來越完美啦！）
