話咁快，仔仔已經翻學大半個月啦，之前一直湊個仔，在家做FTM，依家可以等個仔去翻學，自己有私人時間，可能遲D自己重出江湖搵翻份工，去上班。但系有捻過自己上班點接仔仔翻學放學呢，雖然有時奶奶會過來屋企住幾日，可以叫佢幫忙湊仔，但系老人家老咗都系唔方便，費事咁辛苦啦，而且同奶奶的思想都唔多夾，佢就覺得小朋友興趣愛好開心最重要，其他都系小事。但系我唔想小朋友輸在起跑線上lor。不過都系遲D先算啦，等仔仔習慣上學的生活先。 今日下午去接佢放學，仔仔好開心喔，同我講佢有同學仔同佢玩，好開心甘話喔。我聽到都好開心啊，我最鐘意就係聽仔仔分享佢起學校D生活啦，放學路上，我地有講有笑，系我最開心的時刻！ 為左等仔仔日日翻學更加開心，差唔多每日我都為佢準備驚喜：同仔仔準備Breakfast同小息食物盒的同時，我都會靜雞雞趁佢唔留意吖陣，將零食放入佢書包或者小食袋。有時系一粒糖，有時系一包薯條，再加張Memo整蠱下佢，等佢一回神，專心上課，哈哈哈！ 等接佢放學阿陣，佢都會好開心咁問我：媽咪，點解你又可以變佐D零食係袋度嘎？我明明今朝檢查過無伽！ 我抱住佢話：因爲你媽咪系魔術師lor 哈哈哈 我梗系唔會同你講次次都系出門時候幫你羅書包啊陣偷偷放入去你個書包度啦！ 不過次次見仔仔咁開心，我都好開心！每天小小的驚喜，等仔仔覺得媽咪系愛佢的。其實小朋友快樂開心真系可以好簡單！好羨慕佢地^B^
