仔仔翻學都成兩個禮拜啦，下午接完佢放學，我煮完餸等老公放工翻來一起吃晚飯之後，我就陪仔仔做功課，一起讀書，真系希望佢俾心機讀書。 今個禮拜我奶奶過來我屋企，捻住住幾日，見仔仔翻學就過來睇下佢，仲帶咗好多文具送俾仔仔。不過都好，奶奶咁關心個孫，一開始我都好鐘意，但系呢幾日，我教仔仔讀書的時候，佢成日行入間房指指點點話，你唔好甘樣教佢拉，等佢自己有興趣再讀書啦。 我覺得奶奶就系唔同意我做事同教仔方法, 覺得唔應該逼阿仔讀書, 應該俾佢自己睇下書 , 俾d佢鍾意做既佢玩 。 但系我覺得，阿仔已經五六歲 , 仲俾佢玩 , 唔好好教佢讀書 , 做壞左個開頭 , 之後就好難教 ... 呢樣野嘈左好多次 , 更辛苦既係阿仔本身個集中力已經唔夠 , 溫溫下書聽到d野就亂咁郁 , 想出去玩 , 叫佢繼續讀 ,奶奶就話俾佢出去玩下啦咁 , 唔洗逼到咁緊呀果d , 好似搞到我係罪人咁 佢都唔知而家競爭有幾大 , 唔而家打好基礎就好難追啦 ... 對住佢兩個真係就快崩潰 , 老公又唔理.. 你地有冇同感，有時都覺得，自己同老一輩的人比較難溝通，可能系生活狀態唔同，老一輩跟唔上宜家社會的主流思想。如果呢個時候，應該點樣說服奶奶好？我覺得仔仔讀書重要D。
