來電波吧！專頁：https://www.facebook.com/backpackstaff 狼之的背包：https://www.facebook.com/auo.page 去片：https://www.youtube.com/watch?v=r41D2twDlf8 我叫狼之，係一個無業遊民。係未做廢青之前，我係個旅遊記者，呢份工帶過我去好多儲十年八年錢都未必去到嘅地方。不過越做越發覺，計劃好哂、又或者吃喝玩樂嘅旅行，俾唔到養份我。真正嘅旅行應該唔係！ 記得自己背包旅行同埋工作假期嘅時候，旅途上會遇到好多奇奇怪怪嘅人，街頭藝人、流浪幾年、又或者gap year嘅旅行者。佢地嘅對生活嘅睇法，同你講嘅說話，會俾你好大衝擊，甚至改變你嘅價值觀。 旅行唔應該淨係停留係shopping、食野層面，於是我就想拍《來電波吧！》呢個紀錄性質嘅旅遊節目，將背包旅行嘅好人好事記錄落嚟。 來電波吧係...... 來電波吧！係個香港同台灣合作嘅旅遊節目，兩個人一齊完成為期6-9個月的流浪之旅。由古巴出發，穿越中南美洲，最後到世界盡頭烏斯懷亞。中間會用最少嘅錢嘅完成，搭順風車，同當地人互動，或者中間唔夠旅費嘅時候去搵工賺錢。計劃最終目的，就係拍低最真切嘅畫面，喚醒返旅行嘅真正意義。 計劃需要的...... 第一，如果你支持我的話，幫手分享呢條短片，因為我好想將我嘅理念，傳遞俾所有鐘意去旅行嘅人。 第二，如果認識對呢個計劃有興趣的台妹，可以pm我，我6月中會出發台灣找partner。 第三，計劃贊助，因為呢個旅程都幾長，機票、交通開支好大，所以我想搵機票、裝備、同各類型的贊助，希望有公司支持我或者有朋友彈到佢地嘅contact俾我。 你可以會覺得我好亂嚟，睇落無咩計劃。 但係有時，人生就係要去次不顧一切嘅旅行！
