赤橋拉麵 (屯門紅橋) 一直聽朋友說想去屯門紅橋食拉麵，我問點解要去咁遠食，佢話因為開咗間人氣好勁的拉麵店囉，佢話其實都開咗一段時間嘞，不過次次都大排長龍，唯有就啱時間去先唔洗等唔洗排。當日剛好早於是即刻諗起依度即刻去試啦。 好彩因為早真係不用等，終於試到嘞!!!! 味道真係唔錯，不油不咸剛剛好，麵也剛好，總之當日食的乜都剛剛好。PERFECT! 哈哈~朋友仔有興趣經過唔洗等位就可以一試兼打下卡囉。 聽說店內係由日藉拉麵師傅 "寺田先生"主理，聽說他曾任職深水埗的"隱家"和元朗的"彩"，兩間我剛好都有食過唔錯，其實味道都有些似的。 點擊圖片放大 +2 試咗湯麵，試埋沾麵，湯麵OK正常冇驚喜只屬好味，但沾麵就好好好味，結果沾麵完勝! (兩個人一致認為的) *個沾麵底係加咗麵底的份量 專一的餐牌，其實只有叉燒拉麵(湯或沾麵)，有三種湯底可選（魚、黑油、海老） 牆身畫咗好多可愛的卡通畫，都幾得意丫，不過當日有好多食客所以不便影相，去到自己慢慢欣賞下啦。 赤橋拉麵 Akabashi Ramen 屯門青菱徑9號華利大廈地下5號舖 留意：店舖較細小，座位得 12個所以要預時間排隊。
