另類Afternoon Tea…闊小姐加藝文青上身! 今次放棄食三層架的 Tea set因為嚟到藝術感的荔枝角 D2 Place,當然揾D 特別嘅野嚟食啦,但時間係1630 喎,食唔到lunch又食唔到dinner! 食咩呢?當然食返個Afternoon Tea較為合適, 其實商場內有唔少食肆,但今日突然闊小姐加藝文青上身,唔太想食茶餐廳或fast food 野,於是就嘆個有質素嘅Tea! 事源其實係諗住離開D2 place 出去覓食嘅, 點知正想離開之陣被商場外地鋪幾間餐廳吸引我!有間日式食店啦,又有間西班牙餐廳, 依間西班牙餐廳外貌已很吸引我,於是即時上網睇資料,聽講原來平日好多起附近做野的OL或老闆經常因爆場而望門輕嘆。 咦~ 今日唔多人喎…因今日係假期加上係Afternoon Tea 時段暫時見只得5枱客!見唔洗等位又有一個Oyster Afternoon Tea Set 咁吸引於是唔理荷包乾硬化問題…一於直入啦…都話今日被闊小姐加藝文青上身架啦! Afternoon Set (2:30pm - 5:30pm 下午茶時段),多款甜品只係 $40 - $55起。 但最最最吸引我嘅當然係生蠔下午荼Set,最basic set 包括兩隻即開新鮮生蠔及一杯Sangria最平都係 $68。 問咗職員當日生蠔係來自紐西蘭,更加忍唔住即刻想入去試! 哈哈…諗下計下最後居然點咗12隻生蠔,加1瓶 Sangria ($408/2位份量), 再加半隻烤雞($115)及加一服務費約$575(2個人每人約$288) 人一世物一世試咗先講! 當埋LUNCH同DINNER依個TEA都幾抵...哈哈! 門口有menu可慢慢睇下啱唔啱食!(唔同組合唔同價錢) 點擊圖片放大 +2 門口有menu可慢慢睇下啱唔啱食!(唔同組合唔同價錢),網上睇到LUNCH同DINNER的MENU都有好多野食,不過婆婆我今次係推介依個OYSTER AFTERNOON TEA SET因為其地方好少做,試過有做的也不及這間,個人認為CP值真的很高呢! (包括食物、飲品、環境、服務=價錢) 食後感:紐西蘭蠔隻隻脹卜卜,好新鮮好肥美論質素依間CP 值好高呢!仲有店内一直播放輕音樂,當日坐窗邊望街有d 小花裝飾環境一流…好治癒的一個假日下午! RUSTICO D2 Place 地址: 九龍長沙灣長義街9號D2 PLACE 地下G01舖 電話: 2743 4511 開放時間: 12:00–22:30 荔枝角MTR D2出口對面