外出工作搵食記，香港站韓式 K-ROLL(Korean Takeaway) (韓國3姊妹開) 每次要外出工作諗起食咩我都頭痛，所以有預知去邊的話我一定會搵定附近有咩特式食店可試，仲要選又平又好味的。不過有時突然先知去邊，又未必夠時間，所以首選係要快....快...冇錯...係要快..因為有時趕起時間嚟真係要走幾場到時食都冇時間。講真排得隊嚟又要搵位攪得嚟又夠鐘要趕另一場。未試過的朋友仔依D慘況你真係未必知。 好嘞，講返快閃食的地方，最近試咗一間韓式野想推介下比大家，冇錯韓式野都可快閃食，佢就係位處香港站韓國3姊妹開的K-ROLL嘞，正!!! 買完食品後旁邊有一些企位供立食用，真係快靚正。果日我得10分鐘時間，所以選咗最快的 "韓式飯卷"食，即A2款;蟹肉沙律K-ROLL ($55)，雖說價錢有些偏貴(個人認為)，但話哂有10件厚切都可頂得飽架，而味道都OK正常架! 下次想要快閃食不防一試。其實佢仲有好多選擇的，睇下個MENU 自己選下想試哪些韓式食品。點擊圖片放大 +3 簡單長形包裝盒，剛好放一條卷厚切10件；裡面有蔬菜、紅蘿蔔條、青瓜條、牛油果、雞蛋片、蟹肉、沙律，口感清新。 佢地仲有其他分店： 中環港鐵香港站HOK41號舖 (港鐵香港站 E2 出口) 上環文咸東街6號順發樓地下6A號舖 灣仔港灣道28號Brim 28灣景中心1樓104號舖
