麒麟一番榨SUMMER FEAST必試限定藍橙口味 有關日本嘅野就算係起香港婆婆都會搵時間去睇下,剛剛上星期就去咗尖沙咀美麗華商場體驗下香港啤酒園的氣氛。活動由8月19日起至9月11日止,活動名稱「麒麟一番榨SUMMER FEAST」。點擊圖片放大 經過門口已經好吸睛嘞~ 今次啤酒園係位於美麗華商場內,當日婆婆起出面行到又累又熱,入到室內有冷氣嘆又可飲返杯冰凍啤酒食下小食真係超爽。 其中一樣最吸引婆婆嘅係舉辦單位的設計,整體以麒麟品牌的黃色為主調,望落真係好醒神,仲吊咗好多燈籠起上空,唔講以為身處日本。另外最有趣係場內設有影相區,有好多手舉牌供大家拍照用,而最多人影的就係起園內嘅 "超巨型麒麟一番榨啤酒杯" 大人小朋友都影得好開心。活動期間更有音樂表演、皮具工作坊等等活動⋯真係好吸引架! 講返主菜,婆婆嚟嘅目的就係最想試依款有齊5款口味的啤酒組合嘞!!! 期間限定的「麒麟一番搾·真夏の味體驗套裝」麒麟一番搾Frozen Beer 包括5款麒麟啤酒及香辣脆粟米粒 $150。『包括:麒麟一番榨啤酒、黑啤Stout、及另外三款香港獨家新口味啤酒;分別為:麒麟武士藍橙 Kirin Samurai Blue、麒麟熱情石榴 Kirin Passion Grenadine及麒麟天然蜂蜜 Kirin Natural Honey。』 我最LIKE的都係麒麟武士藍橙 ,好特別的顏色及味道真係值得一試!!! 其實現場所見依隻味都幾受歡迎,好多個都有單點依款味,期望日後會全球生產依隻口味啦,到時就可一再品嚐! 另外亦有好多朋友仔選擇單點麒麟重點推介的『低至零下五度的冰凍麒麟原味啤酒』 唔太喜好杯中物的朋友仔,其實也可到現場試下特式的日式小食,或者感受一下啤酒園的氣氛,職員話這四星期的活動會有超過二十位本地唱作音樂人在園內輪流表演呢。 點擊圖片放大 +2 (單點價:以上4款每杯售價HK$60 / *麒麟天然蜂蜜Kirin Natural Honey售價:$65) 點擊圖片放大 期間限定的「麒麟一番搾·真夏の味體驗套裝」包括5款麒麟啤酒及香辣脆粟米粒 $150 點擊圖片放大 麒麟一番榨 SUMMER FEAST 日期:2016年8月19日至9月11日 地址:尖沙咀美麗華商場中庭(顯示地圖) 時間:逢星期一至四(4:00pm – 9:00pm)、逢星期五至日(1:00pm – 9:30pm)、8月19日(7:30pm – 9:00pm)