夜鬼另類選擇 ‧ 24小時台北士林區釣蝦『至善釣蝦場』 早前起台灣夜媽媽仲係瞓唔著,夜市又行完仲收哂咁滯,簡單的問了台灣朋友一句你地瞓唔著有咩好玩,佢就即時答 "釣蝦"。哈哈~ 果一刻佢地仲愈講愈開心咁,話我地香港人應該要去試下啦,其實香港以前起油麻地係有一間架,不過我地日光日白去釣之麻,依家又真係冇乜場釣咁滯,唉~又係香港土地問題租金咁貴點養得起一個咁嘅場丫。 好啦~難得咁開心一於去試下啦,起 "至善釣蝦"嘅官網都有提及『空間廣大不狹隘,價錢低又公道合理,蝦子也相當活躍,肉質Q蝦又大,還有免費釣蝦教學,初學者不用怕不會釣蝦,來了就有現場人員教您如何釣蝦,保證賓至如歸。』哈哈~ 果然唔錯,個人意見比起旁邊幾間真係較為企理。 好夜都咁多人。 點擊圖片放大 其實弄魚餌會攪到對手好DIRTY架....嗚~ 怕怕.....點擊圖片放大 有水比大家沖洗下D蝦先再燒,乾淨企理。(依D蝦唔係我地吊果批,我入場時見到影下人地D蝦相先,因為之後自己對手會超DIRTY應該影唔到,其實我地6個人吊到好多架。) 自助式烤蝦,但唔識可問工作人員佢地仲可以幫手烤蝦的。當晚手風唔錯,6個人吊到好多,依度只係一部份,仲有好多等緊燒冇影相(其實隻手弄蝦好濕好DIRTY所以只影得好少相呢)。 點擊圖片放大 +2 官網都有提及『有精緻快炒,還有KTV包廂服務供大家選擇,本店24小時不打烊營業,非常適合公司行號聚會和團體活動舉辦,相信在這邊大家都會玩得相當盡興,掛保證!』 哈哈...所以都有叫咗幾碟快炒食(當日6個人叫咗幾味快炒),不過影完2張之後就冇影其他食物相了! 因為超好味的,個個掛住食食食食食食! 台北市士林區至善釣蝦場 地址:台北市士林區至善路3段13號 TEL : 02-2841-3225 營業時間24H *交通資訊: 小18、小19、 市民小巴(到內雙溪橋下車)255、棕13(到翠山莊下車) 官網:http://www.zhishan.com.tw/uscompany.php P.S.: 當日婆婆好夜去係冇哂公車坐同埋係朋友車去的。以上的交通資訊* 係從官網得知。