丼飯新選擇元朗『丼家 DON YA』 近日婆婆都學咗大家跟下潮流咁去咗捉精靈，捉咗成日都要搵餐飯仔食架，經過元朗形點附近，見到一間細細的日式食店，好就走去八下啦，睇門口餐牌就已經吸睛了，有個叫『究極丼』超級想試呀因為好特別係有2層架，但諗咗一輪婆婆覺得我係應該食唔落囉，因為當時有些飽。唯有試另一款啦，我就試咗另一人氣丼飯『三文魚海膽親子丼』(標準) HK$78 (可轉定食 +HK$18; 即有麵豉湯、小食及沙律) 賣相正合婆婆心意，有木匙、木盆! 有三文魚籽、三文魚、海膽及蛋 (正常味道冇乜特別，當然海膽更加普通貨仔，似以色列、加拿大的味道啦，唔好期望咁高。冇明示說是什麼產地的海膽。) 加HK$18轉定食，有麵豉湯、魷魚沙律及墨魚咀小食 (反而個人認為依3樣都幾好味) 這是裝飾?! ...其實係炸咗嘅三文魚骨，都幾好食喎有驚喜。 整體食物及服務都唔錯(有主動不停REFILL 緑茶及好快執拾枱)，價錢呢~本人覺得正常啦，但聽到旁邊的客人說稍為貴咗少少。都係果句啦，經過突然想食咪似下囉，多個選擇都唔錯丫，未至於唔好食唔會再幫襯嘅! 本人仍然香港支持小店的。 另外要留意因店細座位唔多，滿座可能性大多數要等位喔! 丼家 DON YA 元朗鳳攸北街2-6號永富閣地下14B號舖 營業時間 星期一至日: 12:00-15:30; 18:00-22:30 付款方式 現金
