每個『旅人』都有自己嘅出走計劃次序，以下係婆婆我活咗咁耐嘅最終排列，有興趣可參考下囉，又唔洗死嘅係咪，唔啱嘅咪笑下婆婆囉，鄉下婆丫麻。出依個POST係因為婆婆身邊有唔少緊張友，明明平時好精靈但一緊張就亂哂龍，有得參考下咪參考下囉。 首先呢，我會睇定想邊個月份出走啦 (諗下自己想去睇咩...雪景?楓紅景?櫻花景?去郊遊吸仙氣? 要特平購物?...)、然後就上網睇邊個期啱以上行程始終花係有限期嘅，再者有冇平機票或平PACKAGE先計清楚條數、選好嘞就要即刻同自己部門同事夾假、再賣口乖咁問亞姐亞哥取假，然後先再問身邊三姑六婆有冇興趣依個期去，依個POINT好重要，自己先諗好唔洗起群組問呀六婆想唔想一起出走呀、想去邊呀想幾時呀...最後可能係夾完又夾....而最後會錯過哂D野，群組最後得返一句，想點呀!!!!! 係呀~冇人去就婆婆我自己去囉，為自己而活丫麻，人生苦短想去就去囉。 終於係終於CONFIRMED哂D假嘞，高興1分鐘要快D冷靜落嚟，即刻係即刻好睇下D機票嘞，我呢鎖定目標之後會再時時刻刻再昅實仲有冇再平D嘅機票、當然定好個最後底線比自己後要決定買邊間航空公司、邊個時間(早機定晚機)，據我所知有些『旅人』會想再貪平多少少而買靈魂機去+晨運機返，我自問係慳婆婆但婆婆我老嘞堅博唔過，其實有時冇起車上嚟，要搭的士條數又起返到，如果我搭一轉咁嘅靈魂晨運機我應該變咗太婆都似(即係老多十年)。當然，有好多天生麗質嘅美少女(即係妳地囉)係冇問題嘅，拜託美麗嘅絲打們幫我食咗依批靈魂機去嘞(感激流涕MODE中)。 噢~萬事妥當，心情超級無敵緊張開始倒數 (可能要倒數幾個月=_=")，婆婆本色慳得一蚊得一蚊格言繼續，就係搵平地方落腳嘞。夾呀夾...夾呀夾...搵到嘞~ 落實哂機票住宿之後應該仲有大把時間 (偷笑中)，咁就可慢慢計劃啦 (繼續KEEP 住興奮心情)，依個時候保持靚靚嘅心情耐不耐咁捜尋下資料(爽皮中)，我呢就會先度定想參觀嘅地方 (起碼大概知自己想去邊區先)、再搵幾間心目中必食嘅地方(其他去到先算因為順路同有機會預到正野...我堅次次都係咁!信我吧!)。好嘞，有齊以上2樣資料就可以再下一步計劃，車程，上一些官網睇下計劃想去嘅地方要點樣編排會較為順路。正所謂有資料在手世界通行。 話咁快可以出發嘞，我出發前嘅準備會點，列印好所有電子機票、住宿資料、帶齊所有證件及證件COPY(一份放入行李、一份另外袋住但唔好同證件一起放)、建議KEEP多一份電子版本自己SEND定比自己EMAIL度KEEP，另外仲有證件相呀 (都好仲要架萬一唔好彩要用，唔洗去到唔熟嘅地方周圍搵嚟影)，準備好哂D文件，可開始執行李嘞!!!!!! 行李準備清單 (附上自己用開的於網上MEETHK取資料的)，參考下囉 (我係先自己執好D野，清單係用嚟核對嘅)： 祝願各位『旅友』幾時想出走就可以起行，世界這麼大邊去得哂架，你懂的!!!!
