自問婆婆本人，堅．唔係太喜歡飲酒架，但唔知點解每次親朋聚會總有人會把我變成目標， 漸漸地變成好似見人如見酒的地步，其實我真係唔太LIKE架咋。 #酒此物；乃寒性穿腸之物，確實應少飲為妙。女人之家飲醉唔好架 <-- 這是我婆婆講的 (即係婆婆我嘅婆婆) 最近於一次朋友聚會中，突然聽到依一句說話，令我頭上即時出現一舊雲團； 『朋友說其實都係為咗妳先叫嚟飲下咋，我唔太好飲架可以話完全唔鐘意D酒味。』 天喔，為什麼將此重大責任(藉口)付於小女子身上....我不是 '漿糊' 兒女我係一名婆婆嚟架我冇乜牙架咋喎... =_=" 為證實以上說話，我決定嚟個大測試，同咗唔同朋友聚會，結果係無論食咩韓飯、日飯、台飯、中飯，每班飯團友都係自己主動叫酒嚟飲，韓國馬格利酒、日本燒酒、日本啤酒、台灣啤酒、大陸啤酒...等等 點擊圖片放大 +3 結果....係咪即係唔關我事囉?! 自我安慰中。 點知，之後起唔同群組度講起，佢地全部好似夾哂口供咁一致話因為當時我在坐食飯所以咪幫我叫囉。見妳飲少少好似會變得可愛些。(#晴天娃娃公仔上身中) 噢~唔該哂! 多謝哂這些親愛們的答案，小女子非常滿意，原來我有如此影響力，確實我是一位好可愛的婆婆(自我欣慰中)。 係呀~叫酒飲變成絕對關我事架嘞。好~酒逢知己千杯少，就讓我的心嚟個酒醉不醒吧! 但朋友們要飲就飲，唔LIKE飲就唔好夾硬嚟嘞，拜託!!!!! (這句是婆婆語氣語重深詳地說的...) #咁韓日台中所有酒商都應該比返D 銷售額獎金我好喎! 嘩哈HA哈HA哈HA! (自我用計算機計算MODE中)
