多謝WeShare~ 係一個Facebook活動中抽中左兩張Yahoo音樂瘋投 X 羅力威創造音樂會飛﹗若然大家唔知﹐我就話你知﹐我份工係長期返夜﹐唔係輪shift﹐所以正常人happy hour時段一直都唔關我事。自己又熱愛工作(哈哈﹐真架﹐我好鐘意返工架~)﹐如果無乜特別事我係唔會請假﹐亦好少病好少射波。今年情人節﹐雖然係我同男人第一個情人節﹐但係我都係選擇左返工... 白色情人節就更加無咩搞。如果唔係WeShare呢兩張飛﹐怕且我地都會係工作中渡過... XD 哈哈~ 點知﹐男人果然係唔能夠準時收工﹐搞到遲左入場... 好彩去到現場﹐撞到好友~ 開開心心自拍下先﹗我真係好少可可以係呢D時間浦頭架~ XD WeShare仲送左份小禮物比我地啊~ 嘩哈哈~就係呢兩粒傳說中Paul Lafayet 既macaron喇﹗我人生中好似食過一兩次咋~ 可以借花敬佛﹐送左比男人~ XD 唔講唔知﹐原來yahoo娛樂圈 --> http://hk.celebrity.yahoo.com/ymusiclive/ 有個活動叫音樂瘋投﹐係比網民投票選出歌手音樂會個晚翻唱咩歌。早知自己都黎投票啦﹗﹗不過其實當晚羅力威都唱左好多好歌﹐我都覺得好驚喜﹐估唔到呢個小伙子唱歌好得﹐仲會彈琴﹐又會吹口琴﹐其實香港樂壇真係未死﹐就算係死﹐都係因為我地自己都唔支持自己友姐﹗ 當羅力威唱雙子情歌﹐我都諗緊個女歌手唔會係Joey架喇。今次請左佢師妹許靜韻Angela Hui出黎﹐又係一個驚喜。呢個女仔D歌我聽過﹐本來印象唔係好深刻﹐但當晚live佢唱得好好﹗假以時日可能會係未來天后添﹗ 自彈自唱來自星星的你主題曲“every moment of you"﹗又唱左男兒當入樽Zard隻片尾曲“世界が終るまでは…” (你未聽過皆因你太年輕了﹗) 你話丫﹐而家做歌手﹐閒閒地要識兩三種樂器都未夠﹐仲要兩三種語言﹗後生仔﹐你係得既﹗我有少少鐘意左佢喇﹗﹗ 因為位置左得比較後﹐我影相唔多影得到。(以上三張比較靚仔既相係男人影架~) 我拍左兩條花絮片係instagram﹐去睇睇啦~ (順便add我啦﹐我鐘意玩IG > FB 呀﹗﹗) 羅力威吹口琴 @ 情非得意﹕ http://instagram.com/p/lfDKxciKA_/ 小師妹許靜韻﹕ http://instagram.com/p/lfCqJjCKAb/ 等我留意下下次音樂瘋頭係幾時先﹗我又要投票呀﹗﹗有機會享受民主自由唔好白白浪費機會丫麻﹗多D上yahoo同weshare FB留意下活動啦~ XP 呢個白色情人節叫做完滿結束﹐其實對於節日我不嬲都唔係太敏感﹐不過間唔中做D特別野確係幾難忘既﹗ ^_^ Yahoo娛樂圈﹕http://hk.celebrity.yahoo.com/ymusiclive/ WeShare﹕http://www.weshare.hk/ **產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。 謝謝收看﹗路過的請LIKE一下給我少少的支持吧~>3<~ 找我﹖ngayiellie@gmail.com http://www.facebook.com/pages/Popcorn-express/560506497300434
