黎左紐西蘭大半年，終於有機會去南島喇﹗一直聽聞南島嘅地勢同北島唔同，比較多靚景，今次好開心兩個香港好朋友飛過黎相聚，就決定來一個南島之旅﹗ 旅程第一日，我由Auckland飛落Christchurch，機程只係一個鐘多少少。我比兩位朋友早兩個鐘到Christchurch機場，果度唔係好大，所以都係坐陣休息下。見到佢地出黎果陣真係有D激動，「好耐無見﹗」「攬攬先﹗」聽朋友講佢地架機勁搖，可能因為南島真係好﹗大﹗風﹗ 人齊齊之後我地就跟租車公司嘅職員去拎車，今次我地響ezi租車total8日NZD$543 Christchurch機場離市區非常近，只係廿幾分鐘車程，響Rendezvous Hotel settle好已經差唔多9點，就去左Danny's 食啲野，再同響呢邊working holiday嘅朋友meet up。朋友帶左我地上Hillsborough小山睇夜景，估唔到呢度嘅景色都幾靚，竟然有萬家燈火嘅感覺，但當然高樓就好少啦。 第2朝訓醒就去左附近Botanic Gardens picnic，天氣好咩景都靚~ 呢度隔離就係North Hagley Park，每年九、十月都會有櫻花盛開架~我地去果陣係五月秋末，都有啲銀杏睇~ 點擊圖片放大 公園好大，其實可以hea幾個鐘，我地行左個幾鐘就出返主街。Christchurch其實好細，主要係New Regent Street、Tramwayz再行過啲就係cathedral。行開New Regent Street可以試下Rollickin Gelato同埋Coffee Corner~ 離開Christchurch之後正式開始road trip﹗下一站係係作為往Fox Glacier中途站嘅Hokitika~
