奧克蘭附近有好多小島，其中包括有好多酒莊嘅Waiheke Island、火山島Rangitoto，而Tiri Tiri整個島都係保育區，平時只會有幾名職員留宿。 呢個小島面積唔大，只有2.2平方公里，大約半個天水圍咁上下。來往Auckland City同Tiri Tiri嘅船每日只有一班，9am往3:30pm返，由Fullers營運。由於覺得回程時間有點早，而且想留到夜晚搵奇異鳥，所以就book左島上唯一嘅屋仔(http://www.doc.govt.nz/tiritiribunkhouse)，裡面有3間房，總共得15個床位。要留意如果計劃過夜，來回船飛無得響online買，要打上hotline book，而佢地都會suggest你confirm有房再買船飛。由於要保護島上嘅動植物，一切拎去嘅野都要好乾淨，確保無泥土蛇蟲鼠蟻，而且密封pack好。 準備就緒，出發﹗Auckland City 4號碼頭 經過Rangitoto島 75分鐘船程好快就過，到埗喇~一落船就大風到頂帽都吹走左…大家要注意﹗如果會留宿，行李可以直接由碼頭運到屋仔。 買船飛果陣加左NZD$10參加guided walk，每group 4-5人，有長同短嘅路線，分別大約3個鐘同個半鐘，我揀左後者，比較輕鬆易行。導賞員係一位義工女士，沿路介紹好多雀鳥同植物，亦都解答左我地好多問題~ 途中會有啲水槽，比較易見到雀仔，呢隻係”Tui”，頸上有一執白毛毛~P.S.只得DC仔影，所以啲相可能無咁清。 NZ signature- Silver Fern 好易見到的Pigeon，通常都好大隻 最後會去到souvenir shop解散，呢度附近就係燈塔同住宿。 啲souvenirs其實幾靚﹗Fantail好吸引，不過kiwi有代表性，就揀左佢~ 點擊圖片放大 簡單住宿，主要都係想留一晚探險~ 入黑前都可以繼續行下~好幸運遇到有觀鳥經驗嘅朋友，教識左我用新買嘅望遠鏡仔(from Kathmandu)，亦都學識分辨幾種雀鳥，慢慢聽住風聲鳥聲，等天黑。 島上有百幾隻kiwi，可惜當晚遇唔到，不過就見到Tuatara(喙頭蜥)同企鵝仔。住宿地方有提供紅色玻璃紙，記得唔好用白光、強光、閃光直接照小動物~另外，島上可以睇到極多星星，如果有大機可以慢慢影~ 第二朝起身執完野可以放響屋外，會直接運返去碼頭，咁又可以輕鬆出發喇~島上路線清晰，可以隨心周圍行下搵雀仔~地圖上有綠色嘅地方比較多樹蔭，無咁曬~ Saddleback，顧名思義好似背脊有個馬鞍咁~ 唔驚人，好friendly的Robin，好細隻的~ 同草堆合體的red crown parakeet 響呢度行山要慢慢同靜靜地，因為附近、轉角、遠處都可能會有小動物，例如qauil(鵪鶉)，佢地真係好鵪鶉好細膽，隔好遠都會雞咁腳走~ 除左行山，呢度仲有幾個海灘，都見到有朋友去游水~臨走前聽佢地講冬天黎會更容易見到小動物，事關樹葉少，睇得清楚啲。好，冬天再見喇Tiri Tiri﹗ Facebook持續update：https://www.facebook.com/sixonesixsix6166/
