一早響和歌山JR站搭巴士去到黑潮市場，呢個站名係「マリーナシティ」，可參考路線圖。 去過黑潮市場嘅朋友可能都認得呢位哥哥仔，事關好似日日都係佢進行吞拿魚環節，之前響D旅遊節目都見到佢上鏡。 いただきます﹗揀左一份細細嘅toro剁成蓉做丼，魚新鮮但可惜飯底真麻麻，好彩有得買埋海鮮BBQ，加埋望住大海景食，都OK啦~ 點擊圖片放大 食飽飽響場內行下，有好多海鮮產品，我淨係買左即沖龍蝦湯，返到hotel試左估唔到好味喎﹗可惜響其他地方搵唔返果個牌子，我又無影低包裝，大家有機會去到幫我留意下呀﹗ 除左海鮮市場，側邊仲有一個賣蔬果嘅地方，當然唔少得呢度盛產嘅柑，仲有其他副產品~買返D響附近吹吹海風食下野，好enjoy~呢個地方其實係遊客區，但可能當時係平日，而且地方大，感覺仍然係咁空曠~ 點擊圖片放大 食完野就去睇下景，有巴士由黑潮市場去到「紀三井寺」附近，參考巴士路線 不過寺入面嘅櫻花只係開左好少，所以行左一陣就搭返JR返和歌山，點知就響中途俾我見到意外嘅櫻花一條街﹗詳情可以睇返呢一篇特別寫呢個地點~ 意外發現的櫻花點﹗ 更多飲飲食食旅遊資訊：識玩識食Facebook Page
