一人遊的第一天，從和歌山出發﹗ 首先坐「和歌山電鐵貴志川線」去到總站「貴志」，大定可能聽過呢度好出名嘅小玉站長，估唔到當時(2015年3月)過左無幾耐佢就過世了，而家由小玉二代頂上。 探小玉站長前，先去到「貴志川観光いちご狩り協会」摘士多啤梨，呢個行程都係用JCB aeon卡響香港預約左先，非常方便，hotline可以幫忙book到只接受日文嘅餐廳或其他行程，熱線24小時免費，有英文、普通話職員。 呢個士多啤梨園響貴志站落車行15分鐘就到，沿途都係田園、民居，有時間可以周圍遊覽下~黎到果園出示預約書，俾入場費1500yen，立即帶住一個杯仔同較剪開始任摘任食﹗呢度有唔同品種嘅士多啤梨，逐隻試下，大部分都juicy又甜~鍾意嘅話可以另外付費買走，果園會幫忙pack好，不過當時我先第一日行程，就無買住喇。 點擊圖片放大 食完個士多啤梨放題早餐，響附近逛下，再返去睇小玉站長。諗返起當時佢應該已經好攰，因為其實已經有16歲，希望呢度留俾佢一個好好嘅回憶。 回程時搭返貓貓電車，入面好別緻~ 點擊圖片放大 +2 返到和歌山去左城堡參觀，可惜果度嘅櫻花未開，就響市內繼續行下~ 更多飲飲食食旅遊資訊：識玩識食Facebook Page
