離開bicheno，我地黎到Hobart，亦黎到旅程尾聲喇。呢個城市係成個Tasmania trip入面最多高樓大廈同車，因為佢擁有其中一個機場，所以可見附近一帶都非常多人住，應該係Tasmania人口最稠密嘅地方。 呢間St Ives Apartments唔算響正市中心，所以價錢平D，2 beds deluxe 住宿係每晚HKD$1000~ 一入屋就係廚房同大廳，呢度係複式設計，二樓有兩間房同埋廁所、沖涼房(分開) 響Hobart呢個大城市唔駛驚無野食，所以我地都去左餐廳食dinner，不過質素普通~之前響車程中買左一公斤帶子好新鮮，就響度煎晒佢黎食﹗呢度亦有好多supermarket，不過就要留意泊車位，始終係大城市，好多parking都要俾錢。 點擊圖片放大 呢間apartment係有free parking的，不過由於驚市內難泊車，又想行下周圍，就決定步行去碼頭中心。呢兩晚都見到如下嘅疑似極光，我相信如果有設備應該會影到。 呢5篇就總結左我地9日嘅Tasmania之旅，而家睇返就諗起D地方，真係好值得一去。呢度人少，地大，見牛羊多過見人，咁多日都好好天氣，好舒服，希望有機會響春夏之間再去一次，睇下花同fruit picking~
