離開左Ross小鎮繼續向東邊開始食蠔之旅，住宿響Bicheno，呢個位置響景點Bay of fire同Freycinet National Park 之間，而且夜晚行去附近就可以睇到野生小企鵝，所以就留左兩晚~ 呢間Bicheno by the bay好近海灘，大約行5-10分鐘就到，景點blow hole都響果邊。 一入門口(相片右邊)就係廚房，有齊用具仲有焗爐添﹗如圖所見個廳都幾大，左邊就係兩間房，每間都有兩張床。藍色牆後面就有洗衣機廁所沖涼房，入面有暖氣，當時正值冬天，覺得好彩揀左呢度﹗ 門外有車位，其中一間房有露台，望到海邊，風景唔錯~ 點擊圖片放大 呢度附近都有supermarket，不過肉類選擇唔多，如果路上經過其他超市可以買左先~ 至於普通食材都一一可以響呢度買到~當然唔好忘記響蠔場買D生蠔做晚餐~﹗ 經過海邊仲執左幾隻青口加料添~ 下圖有一碟萬字醬油撈福建炒麵，果一刻真係覺得無敵美味~﹗三文魚同醬都係響旅途上經過41 degree south買的，仲有紫椰菜同薯仔，晚餐飽晒~ 朝早用多士機整toast加埋橙汁，好fresh~ 呢隻kettle牌子嘅sweet chilli & sour cream 薯片響成個旅程encore左好多次，可惜香港暫時未搵到﹗ 最後送上blow hole 同小企鵝，呢間Two Bedroom Bungalow住宿大約HKD$1000一晚，可以住4個人，乾淨同方便，滿意~ Website: https://www.bichenobythebay.com.au/bicheno-accommodation/ 更多飲飲食食旅遊資訊：識玩識食Facebook Page
