離開Launceston，一路駛去Cradle mountain，中途旅程可參考呢一篇 黎到Cradle mountain 當然要慢活一下，所以book 左兩晚Cradle Mountain Wilderness Village，今次亦都係揀左兩房小木屋，門前可以泊車，仲會見到野生wallabies周圍走~﹗ 入屋其中一邊係大廳，另一邊就有兩個房，其中一間有大床，另一間就兩張碌架床，住6個人都OK~煮食用具齊備，只係無焗爐，沖涼用品都齊晒，暖氣都有(當時係冬天，呢樣真係好重要﹗)。 露台出面好多樹，夜晚都有機會見到小動物響出面，無咩做果陣可以響出面休息下~ 如呢篇行程所講，山上面無supermarket，可以試呢度嘅餐廳，而我地就準備左食材自煮，仲可以整埋第2日行cradle mountain 嘅packed lunch~晚餐又有牛扒、火箭菜(超嫩，只係aud$2)、芽菜、sprouts、薯仔~拎去行山就整左smoked salmon sandwich，仲有細盒果汁，坐響山中嘆lunch時感覺好滿足~ 點擊圖片放大 呢間住宿近cradle mountain park 入口，設施齊備，山上住宿比市內貴D，呢間2 Bedroom Villa每晚HKD$1500左右，但可以訓6個人，其實幾抵~ 酒店website: http://www.cradlevillage.com.au/
