響Tasmania租車同有煮食工具嘅住宿真係好重要~一黎呢度食材平靚正，二黎可以無時間限制，因為餐廳唔多而且通常都早收工~不過都要留意季節，因為當時係冬天，所以食材保存唔大問題，如果係夏天最好食晒就唔駛拎埋上車~ 落機第一晚拎左車就揸去酒店，今晚揀左呢間Leisure Inn Penny Royal Hotel and Apartments (呢張相係第2朝訓醒影) 響reception checkin 完之後要揸多個彎黎到住宿地方，但一落車就發現「金翅大鑊鳥」，事關有D房係要上樓梯(上圖最右果條)，所以如果唔放心行李擺響車，就要拎上去房喇，好彩只係幾十級﹗ 由於有4個人，我地揀左兩房小木屋，而入左屋其實都有兩條細樓梯，一條向下係大廳，一條向上有兩間房，D床都好大，環境都好整潔~ 放低左行李即刻去附近supermarket入貨(揸車5分鐘到)，呢間woolworths好大，貨品都好齊，即刻買左Tasmania必食嘅牛扒(aud$14.67)同羊架(aud$11.16)，仲買左sprouts(aud$2.77)、橙汁、萬字醬油(往後行程都經常用到)、pink salt(澳洲買真係超抵，十幾蚊港紙咋，返香港前買左唔少做手信)同香草等等~ 返去煎兩煎D扒就食得，羊架真係超級juciy又軟腍，講起而家都流緊口水，sprouts用牛油炒下已經好甜，響香港食呢D真係無$200落唔到樓﹗ 點擊圖片放大 +2 食飽訓飽，第二朝出發去cradle mountain~ Tasmania住宿大部分都唔貴，好似呢一晚響agoda book唔駛HKD$800，已經有兩房而且煮食設備齊全，空間唔駛講仲要好大，滿意~ Website: https://www.leisureinnpennyroyal.com.au/
