<識玩識食在澳州系列---蠔，全部都係蠔Ep.2> @塔斯曼尼亞Freycinet Marine Farm 繼續響Tasmania東岸食生蠔！呢間freycinet marine farm 響bicheno（有企鵝仔睇）同wineglass bay中間，所以遊人不少，香港朋友都好常見～ 呢度嘅生蠔比較大隻，好甜但無咁爽，不過都絕對新鮮 除左生蠔，餐廳仲有其他海鮮，啲蝦大大隻好鮮甜，海膽係日本黎，估唔到都好新鮮鮑魚價錢唔平所以無試。另外仲有青口同熟蠔，味道唔算特別～價錢唔算平，不過勝在選擇多又有得坐，去開附近都係一個好嘅休息點～有個特別地方就係成間店啲職員都係女仔，唔知係咪姊妹淘呢？ 點擊圖片放大 最後送上bicheno小企鵝，響附近住左兩晚，行去海灘等野生企鵝返屋企，睇住佢地一隻隻等齊人先衝返屋企好得意！不過要記住用紅色燈或者準備紅色玻璃紙，因為太刺激嘅光會傷害小企鵝嘅眼仔。
