終於又到星期五! 難得唔太忙, 加上之前心情唔太好, 今日決定同同事出去覓食! 最近有間餐廳幾得我地歡心, 基乎每星期都有同事去食, 今次輪到我地! 佢就係咖啡空間 Cafe 21, 售賣輕便西餐, 位於香港青年協會大廈地下, 鰂魚涌地鐵站C出口轉右即達. 今次係我第3次幫襯, 聽聞這兒是社企經營, 似是令這個午餐添上些意義! 佢地的食物認真講唔算特別好食, 但價格非常實惠. 午市套餐$45起有個意粉跟是日餐湯, 另外$30就有個自選Salad或者三文治, 以鰂魚涌黎講真係算平! 唔好以為三四十蚊質素就冇保證, 佢地的食物即叫即整, 保證夠熱,餐湯唔係'溝粉'貨色, 之前試過忌廉南瓜同薑花椰菜花湯, 飲得出原材料的味道, 質地夠杰身, 但味道稍為偏淡. 不過呢個價錢, 確係算唔錯. 之前兩次都係食lunch pasta set, 可免費轉天使麵或長通粉. 抱歉抱歉, 之前果兩次無影到相, 不過都幾wow到我. 黑松露忌廉汁雜菌長通粉($48)同蒜香帆立貝鮮蝦炒意粉($60), 分量唔算細, 材料十足, 女仔食夠哂飽, 意粉唔太淋身, 汁又夠香, 食完好滿足 :) 今日就試下三文治, 揀左意式蕃茄香草包 + 煙三文魚 + Honey Mustard. 呢度係全自助形式, order完等叫號碼去拎餐. 好! 開餐時間到! size合理, 麵包好香香草味, 軟度適中, 入面的生菜,蕃茄同兩塊煙三文魚夠新鮮, 其實咁的配搭好難唔好食. $30, 雖然唔太夠飽, 但比起m記同星記咖啡店, 係值的. 有經開的不妨一試! 食完有點肚空空, 之後就去附近m記試佢地的最新推廣產品之一, 粟米批($7). 起初以為會係cream filling, 但食落感覺似粟米蓉多d, 勁濃粟米味, 而出奇地粟米粒係甜既! 有少少artificial, 但整體上都ok既. 就係咁就過左我的happy Friday lunch, 充滿力量繼續下半場, 最後準時收工! A good start for my holiday! 希望你地有都個nice weekend啦! Enjoy!
