阿囡就生日，今日同佢黎咗皇室堡買禮物，皇室堡二樓同七樓都好多小朋友服飾/玩具/書，仲有冒險樂園，話咁快就消磨咗一個下午。 差不多七點，老公都到皇室堡，於是我哋就黎咗冒險樂園附近嘅呢間餐廳開飯。 餐廳設計好開陽，開放式的門面同開放式的廚房，感覺大方。店內坐位放得頗為鬆動，坐得舒舒服服的。 侍應放下餐牌，我最先留意到嘅就係Kid's Menu，而將Kid's menu翻過來就可以俾小朋友填顏色，餐廳仲會提供顏色筆！ 決定咗阿囡食咩之後，就開始研究餐廳嘅餐牌。餐牌圖文並茂，a la carte同套餐嘅選擇都好多 點擊圖片放大 最後我哋參考餐廳5大經典來點菜。 首先有一碗蘑菇忌廉湯同一碗法式洋蔥湯。 忌廉湯好creamy 入面有好多菇菇，非常足料。 洋蔥湯味道則比較清甜，面層鋪左佈滿芝士的法包，芝士法包味道濃郁，但就略為不夠金黃香脆。 然後兒童餐到了！ 小煎pan裝住香賜肉醬意粉，再加一兜炒薯角，外形的骰精美。薯角香脆可口，意粉就煮得比較腍，啱哂小朋友口味！ 仲有一兜水果和一杯可樂！ 之後，我們選了三款小食: 蝦牛油果法包多士，炸日本蕃薯＆南瓜配芥末醬和焗醸帶子大蘑菇。 我最愛牛油果多士，牛油果和大蝦是一流的配搭，前者口感軟棉棉，後者口感爽脆，加上小小香草調味，味道同囗感都好豐富~ 焗大蘑菇都好味，大蘑菇是厚身的品種，好juicy，好有茹味，阿囡食到lam lam 脷 :P 之後，主菜揀左一個pizza，一個意粉同一個意式蒸海鮮，好豐富啊～ 黑松露鴨肝牛肝菌pizza係新産品 上枱已經聞到好香嘅黑松露香味！ 自家製的Pizza批底又薄又軟，面層溶化的芝士淹沒了菇菇粒和鴨肝粒，味道香濃豐富，但就略為偏咸了一點點。 肉醬扁意粉像一坐小山一般出現喺枱面，份量唔少啊！ 意粉滑溜又有咬口，杰身的蕃茄肉醬和扁意粉溶為一體，好味又飽肚!! 意式蒸海鮮係必食推介，海鮮味道很鮮甜，好味到停唔到口！ 白酒香蒜牛油汁完全提升咗海鮮的味道，個汁雖然都多油，但真係忍唔住呷咗幾啖！魚肉唔算太嫩滑，生蠔、青口同蜆就好飽滿，我地食得好滋味! 甜品點了一個Dutch Baby 其實即係香蕉朱古力荷蘭鬆餅~ 吃起黎比平時食到的muffin濕潤，撈埋半溶的雪糕同朱古力醬，又係一個邪惡但食到停唔到口嘅甜品!! 食到飽飽的超滿足，真係要講句Gochiso samadeshita ^^
