前排薯仔去左澳門享受下，入住澳門巴黎人。不得不提就係網上完成預訂後選中了Express Check-In Program，除了可以快捷辦理登記手續，還可以出發前向酒店提出special request! 薯仔要求的酒店都盡量提供，要知道要求並不是理所當然的，有就是bonus!想不到巴黎人真的用心服務，其中一項就是能夠免費upgrade到面向巴黎鐵塔的房間，感謝他們的安排。 當天薯仔乘坐14:00的金光飛航前往澳門，到埗後先往酒店取房放下行李，再往氹仔市中心。不過巴黎人並沒有穿梭巴直達官也街，所以就嘗試徒步過去，結果發現好遙遠就放棄了而搭的士去，哈哈哈! 後來發現原來新濠影匯有提供穿梭巴來回氹仔及酒店，剛好新濠影匯就是巴黎人旁邊，回程就可以搭喇! 去氹仔薯仔一定去大利來記食豬扒包，仲要係豬仔包加枝玻璃樽可樂，因為係絕配! 食完就四圍行下，再食個沙度娜木糠布甸! 去澳門就是食食食，行到官也街竟然有我最愛既安德魯葡撻。 話說以前要去到路環總店先有得食!蛋漿漲卜卜，外層鬆脆!正! 雖然食左野但我地6點半去食葡國菜，薯仔去左山度士葡式餐廳! 好掛住個牛柳骨!真係好JUICY好好味! 我地仲叫左雜菜湯、馬介休球及炒蜆!兩個人食真係好飽! 食完晚餐去尋覓雪糕!話說哩隻Viennetta千層雪糕已經在香港絕跡多年!難得上次係澳門食過一次，所以今次過來想食多次!薯仔去到百佳先買到，聽說便利店有杯裝雪糕一個人可以食! 薯仔覺得哩度好靚!好有LALA LAND感覺XD 買完就打道回府，搭新濠影匯的穿梭巴離開 番到巴黎人就見到夜晚的鐵塔景好靚! 邊食住最愛既雪糕邊欣賞美景，一大享受! 第二日既節目早餐係繼續食豬扒包同埋去左新馬路個邊。 由於可以延遲CHECK-OUT所以我地食完早餐番來先拎行李! 之後搭SHUTTLE BUS出番大三巴，薯仔本來想去東望洋塔，不過唔夠時間改去大炮台! 薯仔好似第一次去!行左千千萬萬既樓梯終於上到去，哈哈，大鄉里出城!大炮呀! (離開既時候先知有電梯上去......) 睇完大炮沿澳門博物館搭電梯落番去，經大三巴，參觀下教堂。 再去買餃子同蔥油餅食，掛住食無影相，薯仔次次都食，因為又平又正， 至於係咩位置，只能說係位於大三巴回程沿路的一條小巷，附近有豪大大雞扒! 食飽飽行番出去英皇酒店搵SHUTTLE搭船，走人嚕!
