薯仔是一個迪士尼忠實粉絲，適逢東京迪士尼海洋TOKYO DISNEY SEA 15週年!實在找不到理由不去走一趟!DISNEY SEA 15周年慶至到2017年3月17日! 日本東京迪士尼很大，分了兩個樂園–東京迪士尼樂園及東京迪士尼海洋。出發前當然要做足準備先可以享受整個旅程啦! 因此由計劃出發就要選擇一個較少人入場的日子，可以參考以下網址：http://www15.plala.or.jp/gcap/disney/ 進入網頁後可揀選迪士尼樂園或迪士尼海洋，這個網站顯示當天樂園預計人數，大家可因應圖中的顏色選擇日子出發都可以避過人多擠逼的時段。 當中以綠色和黃色較為少人，都是正常樂園的人數，即是有機會玩盡整個樂園的機動遊戲! 而蝦肉色就代表一般擠擁，如果做足功課也可以正常玩樂， 但紅色就預計自己入樂園行逛了，黑色就不要去喇。 薯仔預早數天於池袋Sunshine City的Disney store預購入場票，因為薯仔去的時候處於SWEET DUFFY活動，人比較多，預早買可避免人多而不能入場，另外也可以透過網上預購門票。 池袋DISNEY STORE地址: 東京都豐島區東池袋3-1-2池袋Sunshine City ALPA B1 網址: http://www.disney.co.jp/store/storeinfo_ch/164.html 當你決定左日子，就要出發前去官網做下功課喇!因為開園時間經常都有變動。 而且亦可以知道遊樂設施進行維修保養，詳情參看官網: http://info.tokyodisneyresort.jp/tc/calendar/201702.html#20170225 同時可以於官網下載樂園地圖預早計劃行程，因為迪士尼海洋真的不小，分為7區，包括地中海港灣、美國海濱、發現港、失落河三角洲、神秘島、美人魚礁湖及阿拉伯海岸，預早計劃大約知道遊樂設施或表演位置就不會迷路而節省時間。 下載園區地圖: http://www.tokyodisneyresort.jp/tc/tdr/about/pdf/TC_TDS_map.pdf 最後出發前決定如何前往樂園，如果由新宿/東京出發，建議乘搭電車，時間上較快捷。亦可選搭巴士直接前往，但需於指定時間乘搭，薯仔當天乘搭電車就剛好遇上天氣問題塞車，結果個幾鐘先到達。 前往方法: http://www.tokyodisneyresort.jp/tc/access/ 目前為止，是不是想像不到去東京迪士尼玩要做咁多準備呢? 終於可以出發喇!一齊進入奇妙世界啦! 薯天當天於新宿轉乘電車前往，先搭JR中央線快速往東京站，再乘搭JR京葉線往舞濱站下車。到達舞濱後從南口出來轉乘迪士尼度假區線單軌電車。迪士尼度假區線是環繞東京迪士尼區內4個車站，是循環線，第一個站是東京迪士尼樂園，第二個站是海濱站，第三個站是迪士尼海洋，然後又返回度假區總站。 到步後因為時間不早了，放棄了TOY STORY MANIA的FAST PASS，因為這個遊戲超級受歡迎，要領取快證必須於入園時間開始的時候領取，決定去掃DUFFY回家先! 由於SWEET DUFFY活動於13/1-17/3開催新產品，日本人鍾意迪士尼既程度真係甚高，為左買DUFFY新產品要在商店外排隊分批入去選購，天氣寒冷，薯仔排左45分鐘先入到去，真係十分佩服日本人的耐力!不過唔講唔知，東京迪士尼同一般美國迪士尼不同之處係佢有權推出日本版迪士尼產品，限定版之餘品質又有保證，所以很受大家愛戴。 詳情於官網: http://www.tokyodisneyresort.jp/special/duffy/sweetduffy2017/ 出血完畢當然要搵個好地方放低佢喇!迪士尼海洋園內有儲物櫃供遊客使用，投幣式置物櫃分為4種價錢及大小，薯仔用左300定400YEN個種，放晒所有戰利品同一個DAY PACK背囊入去，就可以輕輕鬆鬆遊樂園 (天氣凍記得手襪耳罩仔跟身，唔好興奮過頭擺埋係LOCKER)。 一開始薯仔見到地中海灣附近有好多人坐下正在等表演似的，原來於2時有專為 15 週年慶度身打造的港灣娛樂表演「閃亮心願之旅～光彩四射！」於是薯仔為左睇表演，就於寒風中坐下等待，結論值得一看但如果靠近舞台必須預早等待，如若想觀看迪士尼朋友於海灣中表演就需要走到海灣周邊觀賞。 開SHOW前已經人山人海!! 開SHOW喇!!薯仔等左成個鐘都係只可以遠距離觀賞，不過氣氛好好，好正! 睇完表演朝去美國海濱區的TOY STORY MANIA位置出發，由於取不到快證，即管嘗試排隊玩，不足一小時終於可以玩，等待時間都比想像中短，遊戲係彈波波鬥高分，薯仔超鍾意玩這個遊戲呀!! TOY STORY旁的驚魂古塔也是必玩的，佢係一部跳樓機，可惜等候時間太長了，建議大家玩完TOY STORY領取這個快證!玩完四周行逛，每個位都是很好的拍照地點! 行到薯仔另一個目的地!DUFFY POPCORN車!個桶好靚仲要係MILK CHOCOLATE味道! 整個迪士尼有趣地方在於不同的POPCORN桶有不同的味道，印象中薯蛋頭先生係PEPPER、MICKEY係CURRY，認真的說，CURRY味道好吸引，遠遠都聞到!(近阿拉伯海岸)不過薯仔淨係想要DUFFY喳，如果成班朋友仔去，不妨大家買不同的味道一齊試! 買完POPCORN桶去發現港，玩一個合家歡遊樂設施-水上逗趣船，無聊但有趣。薯仔見很少人排隊就去玩玩，逗趣船會突然轉彎、突然原地打轉，穿梭在漩渦之中，體驗一下也無妨! 之後到失落河三角洲，有兩個遊樂設施-印第安納瓊斯冒險旅程:水晶骷髏頭魔宮及忿怒雙神也是必玩的，上一次薯仔玩過忿怒雙神，是一個360度的過山車，很正!今次未能玩印第安納瓊斯冒險旅程，都係個句，想玩先領取FAST PASS!!如果上一張快證未用就排隊喇，一般快證時間都需要半天才返回該遊樂設施，反正等候時間需時不妨排住玩另一樣喇! P.S薯仔竟然無係呢個區影相!!十分抱歉，只好讓大家先看官網介紹吧! 印第安納瓊斯冒險旅程-水晶骷髏頭魔宮:http://www.tokyodisneyresort.jp/tc/attraction/detail/str_id:ld_indiana/ 忿怒雙神: http://www.tokyodisneyresort.jp/tc/attraction/detail/str_id:ld_raging/ 到阿拉伯海岸，有3D神燈劇場，旁白以日文為主，不妨一看! 還有一個合家歡遊戲-辛巴達傳奇之旅，遊樂設施恍如香港的小小世界，坐著小船觀賞! 大約5點開始天黑，愈來愈凍，薯仔移動去神秘島! 在此處兩個遊戲都值得一玩!首先薯仔玩左海底兩萬哩，可以坐進小型潛水艇探索海底，真心推介，少人排隊又可以有好正既體驗! 其二，地心探險之旅，一個好刺激又有故事性的過山車!喜歡尋求刺激既你記得領取FAST PASS!因為我到夜晚仍然見到長龍!!等候時間達60分鐘!不過如果時間許可都值得一排，入夜氣氛更好! 再去美人魚礁湖行下，因為這一區主要是以合家歡遊戲為主，如跳躍水母是浮上潛下的小吊車、旋轉海藻杯猶如瘋帽子茶杯，不過在這裡亦可以觀賞美人魚礁湖劇場，可以聽著美人魚熟悉的歌曲，因為薯仔去到的時候已經不早所以建議有興趣人士可領取FAST PASS! 食少少野繼續行下，無意中返回阿拉伯，玩埋個雙層沙漠商隊旋轉木馬，可以騎燈神!哈哈! 薯仔最愛的烤火雞腿!只能夠在迪士尼先食到! 晚上尋找三眼仔mochi!有9粒，分別有朱古力、士多啤梨、忌廉味，其中一粒更是抹茶紅豆味! 晚上就一定要睇萬眾期待既FANTASMIC水上娛樂表演!記得買定野食盡早去到地中海港灣欣賞啦，無論燈光效果都不錯，有一幕係米奇隻身對抗巨大魔龍的震撼場面，一定要睇! 點擊圖片放大 欣賞完最後的表演，就要同迪士尼海洋SAY GOODBYE LA! 走前記得去儲物櫃取回物品呀! 回程時有緣登上特別版列車，以FROZEN作主題!手環都變了冰冷的藍色! 長文一篇完結，送上薯仔出血大合照一張! 祝大家旅程愉快! FACEBOOK : https://www.facebook.com/playanddinespot/ INSTAGRAM: https://www.instagram.com/playanddinespot/
