行程第6日，要搬離已經住左4晚既『拉薩格桑花香家居酒店』，由前一晚9點訓，又訓到差唔多中午12點先起身，終於訓夠了，今日起身感覺好返好多，感覺到自己個人力量返返黎喇，HAHAHAAHH~ 因為我地既婚照plan係無室內景既，咁就諗住訂間靚靚既酒店黎影下相，所以就揀左『拉薩瑞吉度假酒店』，原本諗住最後果幾晚先住，但點知佢中間卡住幾晚先有平，咁平衡埋價錢後就決定係中間住3晚 Check out離開旅館，離check in仲有一段時間，睇一睇地圖，行路去瑞吉大約半個鐘島，就決定行路去啦，每人拖住1個29吋既喼，其實拖住個喼真係唔係太好行，好多路都唔係太平，凹凹凸凸咁，要好清楚自己既身體情況先得，如果唔係一陣無高反都行到有高反 行到去酒店，門口既保安哥哥好似有啲震驚點解會有人拖住2個大喼行路黎住一間星級酒店，由地下個大門口去到check in大堂仲有一段上斜路，保安哥哥幫我地call左架哥爾夫球車黎接我地上去，好好服務，拎左房放低野就出去食左lunch先，終於識得肚餓，我靈魂返返曬黎啦，yeah~ 食飽就返去酒店行行下，視察下環境，睇下第2日係邊度適合影相，酒店係豪華型藏式建築，不過可惜泳池無開，我仲專登帶埋泳衣黎…… 其實都無咩特別野做，行完酒店又行下酒店附近，食間晚餐就休息，準備隔日又影相了
