行程第5日，今日既工作係去返婚攝公司揀返邊啲相要執、有邊啲要曬油畫/相架之類 入自問平時抵抗力算幾好，唔怕凍都唔易病，但經過琴日全日既勞役，雖然前一晚已經12點左右訓覺，訓到差唔多下午1點先起身，但係我覺得個靈魂仲未返黎，全日都係占寒占凍，周身唔舒服，無胃口，除左訓覺咩都唔想做 訓到最後一刻先起身，一起身又係趕頭趕命出門口去婚攝公司，到去工作人員就開返啲相比我地睇，總共影左186張，我個plan係包執相66張既，所以第1步就係揀左66張出黎先，sales姐姐都由得我地自己係度慢慢睇慢慢揀，無咩催我地，另外仲包左3本相薄，3幅油畫，1幅易拉架，3個相架，2張卡片，揀完66張之後就揀下點分配以上既產品，其實我已經病病地暈陀陀，sales姐姐建議我地點點點，我地就點點點，完全都無其他意見，分配完之後就帶我地睇下實身既樣本，又問下駛唔駛加啲錢轉啲咩咩咩款咁，不過都簡單問下，唔會話監硬黎，最後用USB手指就可以馬上copy走所以相 經過個幾2個鐘既揀揀揀，終於完成，已經3點幾，先食第1餐，但其實都係唔開胃，食唔落啲咩，搵到間清清地食啲粥 食完行多一陣間，5點零鐘又返旅館訓覺，原來諗住返去休息一下再出去食晚餐，但訓左2個鐘之後感覺都係好攰，所以決定唔出去了，買左啲野返黎食，食左幾啖，拿拿聲沖埋涼，8點幾9點就訓覺了
