位於讀谷村的殘波岬，是一個熱門的觀光景點，來到沖繩的遊客必定都會來「打卡」拍照。 很多人不知，殘波岬也是一個有名的潛水點喔！(sumi 起初也不知lol) 而且潛水點聽說頗多的，生物種類也比真榮田岬豐富，更有機會見到蘇眉、豆丁海馬等生物。 潛殘波岬可以以岸潛或船潛的方式入海。一般潛客都會選擇船潛，因為岸潛入海的地方環境險峻，只有當地潛客或得閒嘅潛水店員工才會走去挑戰。 SUMI和我的好朋友YURI得到新里船長的答允，放假的時候帶我們去潛殘波岬。我們6月中假期的時侯，就膽粗粗打電話給新里船長了。新里船長二話不說就叫我們到碼頭集合，說要帶我們見識一下殘波岬的魅力。笑 下水前，新里船長為我們講解潛點、可見到的生物、路線等等。 當時仍是6月，水還冰冰涼涼的，是Yuri最喜歡的海蛞蝓(海牛)出沒的旺季，我們家的yuri下水前已十分興奮雀躍 。笑 第一個潛點就在殘波岬燈塔對出的海面上。這個潛點以岸潛的方式也能下水。 潛點最深深度超過50米或以上，下水點水深5米。而且當天有一定的水流。建議有一定經驗的潛客才好挑戰。 第二個潛點也是最大水深超過50米以上的潛點。 基本上殘波岬的潛點難度比較高，一定要有良好的中性浮力，所以不建議潛水初哥前往挑戰喔~ 若想在殘波岬FUN DIVE ， 要求有AOW以上，以及超過50個Dive:) 若只有OW的朋友，自問有良好的中性浮力，我們則建議大家在真榮田岬試Dive，見到你實力非凡，我們都會好樂意帶大家去挑戰喔:3 當然, 即使有AOW的朋友我們都希望大家在真榮田岬試Dive，熱一熱身啦！ 我們在2個DIVE中, 發現多種不同種類的海牛~有的更是真榮田岬沒有的種類~! 就唔講咁多廢話啦～ 去相先！ 點擊圖片放大 +5 點擊圖片放大 除了海蛞蝓外，在兩個dive中， 我們共遇到3隻八爪魚！ 船長鬧我哋點解唔捉隻上嚟(笑) 睇到相都後悔點解唔捉隻上嚟做sashimi (哭) 除了八爪魚、海蛞蝓外，當然唔少得其他生物啦 點擊圖片放大 +8 殘波岬真係好有趣！但因為係船潛，我哋唔依時返上船的話，新里船長會很生氣:P (我哋第2個DIVE 就係潛到唔肯上船.....船長嬲到開船走，將我哋留咗喺海中心.....汗) 為免再激嬲新里船長....我同YURI 在之後挑戰了殘波岬的岸潛路線.....(汗) 岸潛路線絕對唔係常人可以挑戰.......... 但岸潛路線就要下次再寫啦 笑 潛水的題外話~ 由於殘波岬係睇浪嘅好地方(簡單D 講，即係成日都好大浪囉LOL) 除了燈塔附近的地形壯觀外，水底下都形成了很有趣的地形！ 經海浪旋渦長年的侵蝕， 形成了圓柱形狀的深坑， 而在底部的石頭更被變成球狀。 為了確認佢係咪圓到成個波咁， 我就潛咗落去 笑 個坑都唔淺下架，成6點幾米！ 無受過訓練嘅人， 千奇唔好學~
