屋企個位，聽信某寶開心share 谷友，就試住喺淘寶買石塑地板，點知中嗮伏！初頭樣板系OK,但收大件貨時，至少有10%系碎嘅，側邊瑣扣碎嘅，根本鋪唔到，同商家協商，居然話運輸過程10%損耗正常，又要我逐塊板影相，逐塊板計，呢個舉證，我冇意見，但最后商家話接受退貨，但因為涉及到運費，運費險唔包部份，要我額外承擔，一計返條數，我仲要倒貼差唔多要成千蚊。仲要我親自去運輸公司問價，淘寶商家對香港市場一啲都唔熟悉。所以話，買地板，買大型裝修材料，千祈唔好買淘寶，喊都冇用，最后仲拖慢咗裝修工程進度，租金都蝕咗差唔多半個月。收尾系搵咗間喺Facebook見火炭有門市嘅地板鋪，我地去睇咗板，落咗單，都算幾快收到貨，先追返進度！所以在此奉勸各位買石塑地板千祈唔好去淘寶幫襯。買大型材料千祈唔好去淘寶。
