在釜山,豬肉湯飯非常出名,一場來到係要列入必食清單入面!釜山周圍都有豬肉湯飯店,但最出名、傳聞中最好食就係雙胞胎豬肉湯飯,有兩間分店,分別係雙胞胎豬肉湯飯總店以及雙胞胎豬肉湯飯2號店。兩間店只係相距兩個街口,非常近,如果總店冇位,行去2號店好方便。 慢遊豬早上11點左右去到總店,總店唔算好大,印象中大約可以坐到10枱左右。當日係平日,所以人唔太多,完全唔需要等位,而且9成都係韓國阿豬媽們,不過食食下就越來越多人喇。 由綠色2號線大淵站3號出口行去,大約5分鐘就到~~ 慢遊豬叫左豬肉湯飯 돼지국밥 KRW6,500 (HK$45),比其他豬肉湯飯店係貴少少,但佢係值架,一來好食d,二來豬肉係多d!除左豬肉湯飯,仲有: 內藏湯飯내장국밥 KRW6,500 (HK$45)、水煮豬肉拼盤(豬肉分開上)수육백반 KRW8,500 (HK$59)。 豬肉湯飯底有辣醬,記住食之前拌一拌先~~ 真係好好食!好好食!好好食!要講三次!係慢遊豬番到香港食唔番既味道,係釜山食左咁多餐最好食既一餐就係豬肉湯飯,真係睇番張相又想食喇... 大家去釜山一定要去試下!! 雙胞胎豬肉湯飯 쌍둥이돼지국밥 總店地址: 釜山廣域市南區大淵1洞 887-1 부산광역시 남구 대연1동 887-1 (係CU便利店對面) 2號店地址: 釜山廣域市南區大淵1洞 889-5 부산광역시 남구 대연1동 889-5 綠色2號線213大淵站5號出口 步行約5分鐘 營業時間: 9:00~24:00