又係Cafe分享時間... 慢遊豬真係超愛咖啡，亦都好鍾意日韓台果d唔同主題既Cafe。慢遊豬去韓國每日都至少去一間Cafe，早排迷上左花花Cafe，但係又唔夠時間去晒，所以今次先去呢間位於弘大既花花Cafe - Blüte !! Blüte係韓劇《愛情雨》既拍攝場地，當年睇呢套劇既時候覺得好靚，今次就有機會去睇下。 點擊圖片放大 +2 慢遊豬同朋友仔係星期六下午來的，所以好多人。我地坐係戶外坐位，因為室內已經差唔多坐滿，自己去落Order果度拎Menu睇，旁邊仲有小束乾花賣。 Blüte室內室外都好多花花草草，入面好似溫室咁，出面好似花園咁，係度嘆杯茶或者咖啡，坐一個下午，感覺好舒服。 朋友仔叫左杯花茶，叫Blüte Fresh Tea，特別在即叩即摘，雖然Menu上面寫住係Blüte親自種的，不過估唔到既係岩岩先落完order，就見到職員剪d葉仔去沖茶，名乎其實既新鮮！飲落都係清新既味道，有種涼涼地既感覺，不過飲唔出係邊隻香草茶~ 慢遊豬就叫左Coffee Snow，泡泡好滑，唔錯唔錯。 重頭戲來了，呢間小屋係會令人少女心爆發！ 點擊圖片放大 +6 黃玫瑰花牆真係超級靚，隨便影都好有仙氣，好多韓妹都入泥影影影！ Blüte都幾出名，唔少blogger都介紹過，慢遊豬去過都覺得值得推介！鐘意花或者想影仙氣女神相既你，一定要去！ Blüte 地址: 首爾麻浦區上水洞 86-33 (上水站 2號出口) 營業時間: 9:00 ~ 23:00 由上水站行5分鐘左右就到，見到Starbucks轉右就係架喇；係弘大行去的話，可以係弘大正門行落去，如果撞正星期六，可以順路去埋弘益公園既弘大Free Market。 【首爾】弘大秘密花園 – 大勢花花Cafe 꽃카페 【首爾】除左花仲有屎 – 仁寺洞便便Cafe 또옹카페 【首爾】走文青路線 – 延南洞手作咖啡店 KEY By 36.5 & 百年咖啡 백년 커피 【首爾】超夢幻！士多啤梨迷注意：Humming Bella 허밍벨라 【首爾】懷舊的味道 – 咖啡磨坊
